ৱিকিপিডিয়া

অনুক অৰুদপ্ৰগাশম

(অনুক অৰুপ্ৰগাশমৰ পৰা পুনঃনিৰ্দেশিত)

অনুক অৰুদপ্ৰগাশম (ইংৰাজী: Anuk Arudpragasam, তামিল ভাষাত:அனுக் அருட்பிரகாசம் জন্ম:১৯৮৮) এগৰাকী শ্ৰী লংকান ঔপন্যাসিক, যি ইংৰাজী আৰু তামিল দুয়োটা ভাষাতে লেখা-মেলা কৰে। দ্য ষ্টৰি অৱ আ ব্ৰিফ মেৰিজ শীৰ্ষক তেওঁৰ প্ৰাৰম্ভিক উপন্যাসখন ২০১৬ চনত ফ্লেটিৰন বুকচ/গ্ৰাণ্টা বুকচে প্ৰকাশ কৰিছিল আৰু পিছত এইখন ফৰাচী, জাৰ্মান, চেক, মান্দাৰিন, ডাচ আৰু ইটালিয়ান ভাষালৈ অনূদিত হৈছিল। ২০০৯ চনত, শ্ৰীলংকাৰ গৃহযুদ্ধৰ অন্তিম পৰ্যায়ত প্ৰকাশ হোৱা তেওঁৰ উপন্যাসখনে দক্ষিণ এছীয় সাহিত্যৰ বাবে প্ৰদান কৰা ডি এছ চি পুৰস্কাৰ লাভ কৰিছিল আৰু ডিলান থমাছ বঁটা[1] আৰু জাৰ্মান আন্তঃৰাষ্ট্ৰীয় সাহিত্য বঁটাৰ বাবে চৰ্টলিষ্ট হৈছিল।[2] অনুকৰ দ্বিতীয়খন উপন্যাস আ পাছেজ নৰ্থ ২০২১ চনত প্ৰকাশ হয় আৰু উপন্যাসখনে বুকাৰ বঁটাৰ মনোনয়ন লাভ কৰে।

অনুক অৰুদপ্ৰগাশম

শ্ৰীলংকাত অনুক অৰুপ্ৰগাশম
জন্ম ১৯৮৮ (বয়স ৩৫–৩৬)
পেচা ঔপন্যাসিক
মাতৃশিক্ষায়তন ষ্টেনফৰ্ড বিশ্ববিদ্যালয় (স্নাতক)
কলম্বিয়া বিশ্ববিদ্যালয় (পি এইচ ডি)
উল্লেখনীয় কৰ্মৰাজি
  • দ্য ষ্টৰি অৱ আ ব্ৰিফ মেৰিজ (২০১৬)
  • আ পাছেজ নৰ্থ (২০২১)
ৱেবছাইট www.anukarud.com

প্ৰাৰম্ভিক জীৱন আৰু শিক্ষা

সম্পাদনা কৰক

শ্ৰীলংকাৰ কলম্বোত ১৯৮৮ চনত অনুক অৰুদপ্ৰগাশমৰ জন্ম হৈছিল। তেওঁৰ মাক-দেউতাক দুয়োগৰাকী তামিল।[3][4] কলম্বোৰ এটি অৱস্থাপন্ন পৰিয়ালত তেওঁৰ জন্ম হৈছিল।[5][6]তেওঁৰ তামিল পৰিয়ালটো প্ৰথমে দেশৰ উত্তৰ-পূবৰ পৰা আহিছিল।[4] ১৯৮৩ চনৰ পৰা ২০০৯ চনলৈকে উত্তৰ-পূবত চলি থকা গৃহযুদ্ধৰ প্ৰত্যক্ষ সংস্পৰ্শলৈ অনুক কিন্তু নিজে কেতিয়াও অহা নাছিল।[7] যদিও তেওঁৰ পৰিয়ালটিৰ সাহিত্য ক্ষেত্ৰখনৰ সৈতে কোনো লেন-দেন নাছিল, তেওঁৰ মাক-দেউতাকে সৰুৰেপৰাই তেওঁক বিভিন্ন ধৰণৰ কিতাপ পঢ়িবলৈ উৎসাহিত কৰিছিল। কিন্তু কাষৰে বিজিতা আপ্পা পুথিঘৰত দৰ্শন সাহিত্যৰ কিতাপৰ আমেজ নোলোৱালৈকে ১৫/১৬ বছৰ বয়সলৈ তেওঁৰ মাক-দেউতাকৰ উপদেশ মানি লোৱা নাছিল।[8] ১৮ বছৰ বয়সত ষ্টেনফৰ্ড বিশ্ববিদ্যালয়ত নাম ভৰ্তি কৰিবলৈ তেওঁ আমেৰিকা যুক্তৰাষ্ট্ৰলৈ যায় আৰু ২০১০ চনত কলাৰ স্নাতক ডিগ্ৰী লাভ কৰে।[4][9] ষ্টেনফৰ্ডৰপৰা স্নাতক হৈ ওলোৱাৰ পাছত তেওঁ এবছৰ তামিলনাডুত থাকে।[10] পিছত তেওঁ কলম্বিয়া বিশ্ববিদ্যালয়ত গৱেষণাৰ কাম আৰম্ভ কৰে আৰু ২০১৯ চনত গৱেষণা সমাপ্ত কৰে।[11]

কৰ্মজীৱন

সম্পাদনা কৰক

দ্য ষ্টৰি অৱ আ ব্ৰিফ মেৰিজ (২০১৬)

সম্পাদনা কৰক

২০১১ চনৰপৰা ২০১৩ চনৰ ভিতৰত লিখা কিতাপখনত উত্তৰ-পূব উপকূলৰ শিবিৰত শ্ৰীলংকাৰ সেনাই বোমাবৰ্ষণ তীব্ৰতৰ কৰাৰ বাবে বিয়া পাতিবলৈ জোৰ কৰা দুজন তামিল যুৱক দীনেশ আৰু গংগাৰ জীৱনৰ এটা দিন আৰু এটা ৰাতিৰ বিষয়ে বৰ্ণনা কৰা হৈছে; বোমাবৰ্ষণৰ সময়ত তেওঁলোক তাতে আশ্ৰয় লৈ আছিল। গোৱেৰ্ণিকা আলোচনীত দিয়া এটা সাক্ষাৎকাৰত অনুকে কৈছে যে; এই উপন্যাসখন এক সমন্বয়ৰ সেঁতু হিচাপে ৰচনা কৰা হৈছিল, য’ত দেশৰ উত্তৰ অঞ্চলত থকা কিছু মানুহ, যি নিজকে ছিন্নমূল বুলি অনুভৱ কৰিবলৈ লৈছিল, তেওঁলোক আৰু নিজৰ মাজত থকা পাৰ্থক্যক অতিক্ৰম কৰাৰ উদ্দেশ্যে নিহিত হৈ আছিল।[12]

দ্য নিউয়ৰ্ক টাইমছত প্ৰকাশিত এটি আলোচনাত ইতিহাসত নিৰীহসকলক স্থান দিয়া আৰু পাঠকক মানৱ আত্মাৰ সুন্দৰতাৰ সমুখত আঁঠু লবলৈ উদগনি দিয়াৰ বাবে উপন্যাসখনক প্ৰশংসা কৰা হৈছে।[13] দ্য ৱাল ষ্ট্ৰীট জাৰ্নেল[14] আৰু ঔপন্যাসিক কম তৈবিনেও উপন্যাসখন প্ৰশংসা কৰি নিজা মতামত আগবঢ়াইছে।[15] দ্য ৱাল ষ্ট্ৰীট জাৰ্নেল[16], এনপিআৰ[6] তথা ফিনেঞ্চিয়েল টাইমছত কিতাপখনক ২০১৬ চনত প্ৰকাশিত শ্ৰেষ্ঠ কিতাপসমূহৰ ভিতৰত এখন ৰূপে স্থান দিয়া হৈছে।[17]

দ্য পাচেজ নৰ্থ (২০২১)

সম্পাদনা কৰক

অৰুদপ্ৰগাশমৰ দ্বিতীয়খন উপন্যাস আ পাচেজ নৰ্থ (গ্ৰান্টা বুকচ্‌)ক ২০২১ চনৰ বুকাৰ বঁটাৰ বাবে চৰ্টলিষ্ট কৰা হয়।[18] শ্ৰীলংকাৰ ৩০ বছৰীয়া গৃহযুদ্ধৰ ধ্বংসলীলাৰ পাছত জীৱনৰ সৈতে সহবাসৰ পৰিপ্ৰেক্ষিতত এই উপন্যাসখন ৰচিত হৈছে। এই বিষয়ত লেখকে কৈছে যে, হিংসাক ওচৰৰপৰা অনুভৱ কৰাক লৈ নহৈ এই উপন্যাসখন হিংসাক দূৰৰপৰা প্ৰত্যক্ষ কৰাক লৈহে, যিটো তেওঁৰ নিজা অভিজ্ঞতা ভিত্তিক।[8]

তৃতীয় উপন্যাস

সম্পাদনা কৰক

অৰুদপ্ৰগাশমে বৰ্তমান তেওঁৰ তৃতীয়খন উপন্যাসৰ কাম কৰি আছে। আংশিকভাৱে নিউয়ৰ্ক আৰু আংশিকভাৱে টৰণ্টোৰ পৰিৱেশত, তামিল প্ৰব্ৰজনকাৰীৰ মাতৃ আৰু কন্যাক বিষয় ৰূপে লৈ উপন্যাসখন ৰচনা কৰা হৈছে।[8]

গ্ৰন্থপঞ্জী

সম্পাদনা কৰক
  • দ্য ষ্টৰি অৱ আ ব্ৰিফ মেৰিজ. প্ৰকাশক নিউয়ৰ্ক: ফ্লেটিৰন বুকচ্‌. ৬ নৱেম্বৰ, ২০১৬. ISBN 978-1-250-07240-5. [19]
    • দ্য ষ্টৰি অৱ আ ব্ৰিফ মেৰিজ. প্ৰকাশক লণ্ডন: গ্ৰাণ্টা বুকচ্‌. ৬ নৱেম্বৰ, ২০১৬. ISBN 978-1-78378-237-6. [20]
    • দ্য ষ্টৰি অৱ আ ব্ৰিফ মেৰিজ. প্ৰকাশক নতুন দিল্লী: ফৰ্থ ষ্টেট /হাৰপাৰ কলিন্স পাব্লিচাৰ্ছ ইণ্ডিয়া. অক্টোবৰ, ২০১৬. ISBN 978-9352640829. [21]
  • আ পাছেজ নৰ্থ. প্ৰকাশক লণ্ডন/ নিউয়ৰ্ক: হগাৰ্থ প্ৰেছ. 13 July 2021. ISBN 978-0-593-23070-1. [22]
    • আ পাছেজ নৰ্থ. প্ৰকাশক Delhi: হামিছ হেমিলণ্টন / পেংগুইন ইণ্ডিয়া. ১৩ জুলাই ২০২১. ISBN 978-0-670-09489-9. [23]
    • আ পাছেজ নৰ্থ. প্ৰকাশক লণ্ডন: গ্ৰাণ্টা বুকচ্‌. ১৫ জুলাই ২০২১. ISBN 978-1-78378-694-7. [24]

তথ্যসূত্ৰ

সম্পাদনা কৰক
  1. ↑ "Dylan Thomas prize: Shortlist for 2017 award announced". March 28, 2017. https://www.bbc.com/news/uk-wales-39419055. 
  2. ↑ "The 2018 List". https://www.hkw.de/en/programm/projekte/2018/internationaler_literaturpreis_2018/shortlist_2/shortlist2018.php. 
  3. ↑ "Q&A with author Anuk Arudpragasam". Financial Times. 9 December 2016. https://www.ft.com/content/e88203b0-baf7-11e6-8b45-b8b81dd5d080। আহৰণ কৰা হৈছে: 15 September 2021. 
  4. ↑ 4.0 4.1 4.2 "'A Small Window of Consciousness': An Interview With Anuk Arudpragasam". Pacific Standard. 16 September 2016. https://psmag.com/news/a-small-window-of-consciousness-an-interview-with-anuk-arudpragasam। আহৰণ কৰা হৈছে: 15 September 2021. 
  5. ↑ "Los Angeles Review of Books". Los Angeles Review of Books. October 6, 2016. https://lareviewofbooks.org/article/nothing-can-done-v-v-ganeshananthan-interviews-anuk-arudpragasam/. 
  6. ↑ 6.0 6.1 "The Story Of A Brief Marriage' Provides Intimate Look At Sri Lanka's Civil War". September 7, 2016. https://www.npr.org/2016/09/07/493010017/the-story-of-a-brief-marriage-provides-intimate-look-at-sri-lankas-civil-war. 
  7. ↑ "What is Tamil for Loss? Remembering the Sri Lankan Civil War". Department of African American Studies. https://aas.princeton.edu/news/what-tamil-loss-remembering-sri-lankan-civil-war. 
  8. ↑ 8.0 8.1 8.2 "Anuk Arudpragasam Q&A | The Booker Prizes" (en ভাষাত). thebookerprizes.com. https://thebookerprizes.com/the-booker-library/features/anuk-arudpragasam-qa। আহৰণ কৰা হৈছে: 2023-11-08. 
  9. ↑ Nair, Nandini (9 November 2016). "A War in Memory". Open. https://openthemagazine.com/lounge/books/a-war-in-memory/। আহৰণ কৰা হৈছে: 15 September 2021. 
  10. ↑ Filgate, Michele (28 September 2016). "A Body in Common: Anuk Arudpragasam". The Barnes & Noble Review. https://www.barnesandnoble.com/review/a-body-in-common-anuk-arudpragasam। আহৰণ কৰা হৈছে: 15 September 2021. 
  11. ↑ "The Institute for Ideas and Imagination Announces Third Class of Fellows". news.columbia.edu. 15 May 2020. https://news.columbia.edu/news/institute-ideas-and-imagination-announces-third-class-fellows। আহৰণ কৰা হৈছে: 15 September 2021. 
  12. ↑ Hoenicke, Sarah (January 24, 2017). "Anuk Arudpragasam: Within the Bounds of the Body". Guernica. https://www.guernicamag.com/anuk-arudpragasam-within-the-bounds-of-the-body/। আহৰণ কৰা হৈছে: October 24, 2018. 
  13. ↑ Freeman, Ru (October 7, 2016). "A Brave Debut Novel About the Sri Lankan Civil War". The New York Times. https://www.nytimes.com/2016/10/09/books/review/anuk-arudpragasam-story-of-a-brief-marriage.html. 
  14. ↑ Sacks, Sam (September 3, 2016). "Sam Sacks on Jonathan Safran Foer's New Novel". The Wall Street Journal. https://www.wsj.com/articles/sam-sacks-on-jonathan-safran-foers-new-novel-1472841943. 
  15. ↑ "Love in Wartime". August 2017. https://www.bookforum.com/inprint/024_02/17969. 
  16. ↑ Sacks, Sam (December 29, 2016). "And the Best Novel of the Year Is...". The Wall Street Journal. https://www.wsj.com/articles/and-the-best-novel-of-the-year-is-1483044795. 
  17. ↑ "Best books of 2016: Fiction". Financial Times. December 2, 2016. https://www.ft.com/content/ad99928c-b821-11e6-ba85-95d1533d9a62. 
  18. ↑ Flood, Alison (14 September 2021). "Nadifa Mohamed is sole British writer to make Booker prize shortlist". The Guardian. https://www.theguardian.com/books/2021/sep/14/nadifa-mohamed-sole-british-writer-booker-prize-shortlist-2021. 
  19. ↑ "Fiction Book Review: The Story of a Brief Marriage by Anuk Arudpragasam. Flatiron, $24.99 (224p) ISBN 978-1-250-07240-5". Publishers Weekly. 11 July 2016. https://www.publishersweekly.com/978-1-250-07240-5। আহৰণ কৰা হৈছে: 7 November 2021. 
  20. ↑ "Find out some of the best new books released this week". The Mail Barrow. 7 October 2016. https://www.nwemail.co.uk/news/barrow/16451680.find-out-some-of-the-best-new-books-released-this-week/. 
  21. ↑ "October Picks: Five Indian New Releases for Your Bookshelf". HarperCollins Publishers India. 29 October 2016. https://harpercollins.co.in/october-picks-five-indian-new-releases-for-your-bookshelf/। আহৰণ কৰা হৈছে: 7 November 2021. 
  22. ↑ "A Passage North by Anuk Arudpragasam: 9780593230701". Penguin Random House. https://www.penguinrandomhouse.com/books/659610/a-passage-north-by-anuk-arudpragasam/। আহৰণ কৰা হৈছে: 25 September 2021. 
  23. ↑ "A Passage North". Penguin Random House India. https://penguin.co.in/book/a-passage-north/। আহৰণ কৰা হৈছে: 25 September 2021. 
  24. ↑ "A Passage North". Granta. https://granta.com/products/a-passage-north/। আহৰণ কৰা হৈছে: 25 September 2021. 
"https://as.wikipedia.org/w/index.php?title=অনুক_অৰুদপ্ৰগাশম&oldid=445371"ৰ পৰা অনা হৈছে