অলিম্পিকত উত্তৰ কোৰিয়া

এছিয়া মহাদেশৰ অন্য়তম শক্তিশালী দেশ উত্তৰ কোৰিয়াই ১৯৬৪ চনত প্ৰথমবাৰৰ বাবে অলিম্পিক গেমছত অংশগ্ৰহণ কৰিছিল।উত্তৰ কোৰিয়াৰ বাবে ৰাষ্ট্ৰীয় অলিম্পিক কমিটি হৈছে কোৰিয়াৰ গণতান্ত্ৰিক গণৰাজ্যৰ অলিম্পিক কমিটি। এই সমিতি ১৯৫৩ চনত গঠন কৰা হৈছিল আৰু ১৯৫৭ চনত ইয়াক স্বীকৃতি দিয়া হৈছিল।

উত্তৰ কোৰিয়াৰ অলিম্পিকৰ ইতিহাস

অলিম্পিক চিহ্ন

১৯৬৪ চনত অষ্ট্ৰিয়াৰ ইনছব্ৰুকত অনুষ্ঠিত হোৱা শীতকালীন অলিম্পিকত উত্তৰ কোৰিয়াই প্ৰথম বাৰৰ বাবে অলিম্পিকত অংশগ্ৰহণ কৰিছিল । তাৰ আঠ বছৰৰ পাছত ১৯৭২ চনৰ মিউনিখ অলিম্পিকত দেশখনে প্ৰথম গ্ৰীষ্মকালীন অলিম্পিক গেমছত অংশগ্ৰহণ কৰে। তেতিয়াৰ পৰাই উত্তৰ কোৰিয়াই ১৯৮৪ চনৰ গ্ৰীষ্মকালীন অলিম্পিকত ছোভিয়েট নেতৃত্বাধীন বৰ্জনত যোগদান কৰাৰ সময়ত, ১৯৮৮ চনত দক্ষিণ কোৰিয়াৰ ছিউলত অনুষ্ঠিত হোৱা গেমছ বৰ্জন কৰাৰ সময়ত আৰু ২০২০ চনত ক’ভিড-১৯ৰ উদ্বেগ প্ৰকাশ কৰি বৰ্জন কৰাৰ বাহিৰে প্ৰতিখন গ্ৰীষ্মকালীন গেমছত তেওঁলোকে অংশগ্ৰহণ কৰিছিল।^[1]

শীতকালীন গেমছত উত্তৰ কোৰিয়াৰ অংশগ্ৰহণ ক্ৰমান্বয়ে কমি আহিছে, বিগত তেৰখন খেলৰ ভিতৰত মাত্ৰ আঠখন খেলতহে উত্তৰ কোৰিয়াৰ দলে অংশগ্ৰহণ কৰিছে।

১৯৯৮-২০০৭ চনৰ ছানশ্বাইন পলিচিৰ যুগত উত্তৰ কোৰিয়া আৰু দক্ষিণ কোৰিয়াই প্ৰতীকীভাৱে ২০০০^[2], ২০০৪ আৰু ২০০৬ চনৰ অলিম্পিকৰ একেলগে অংশগ্ৰহণ কৰিছিল যদিও পৃথকে পৃথকে প্ৰতিযোগিতাত অংশগ্ৰহণ কৰিছিল।

দক্ষিণ কোৰিয়াৰ পিয়ংচাঙত অনুষ্ঠিত ২০১৮ চনৰ শীতকালীন অলিম্পিকত পাঁচখন খেলত অংশগ্ৰহণ কৰিবলৈ উত্তৰ কোৰিয়াই ২২গৰাকী খেলুৱৈক প্ৰেৰণ কৰে। ২০০০ আৰু ২০০৪ চনৰ দৰেই উত্তৰ আৰু দক্ষিণ কোৰিয়াৰ খেলুৱৈসকলেও মুকলি অনুষ্ঠানত একেলগে সমদল উলিয়াইছিল। এটা ঐক্যবদ্ধ মহিলা আইচ হকী দলত উত্তৰ আৰু দক্ষিণ কোৰিয়া উভয়ৰে খেলুৱৈ আছিল। উত্তৰ কোৰিয়াৰ খেলুৱৈসকলে আলপাইন স্কিইং, ফিগাৰ স্কেটিং, শ্বৰ্ট ট্ৰেক স্পীড স্কেটিং আৰু ক্ৰছ কান্টি স্কিইঙতো প্ৰতিযোগিতাত অংশগ্ৰহণ কৰিছিল।[3]

২২ গৰাকী খেলুৱৈৰ সমান্তৰালকৈ উত্তৰ কোৰিয়াই ২০১৮ চনৰ খেলখনলৈ ৪০০ সমৰ্থকৰ এটা প্ৰতিনিধি দল প্ৰেৰণ কৰে। উত্তৰ কোৰিয়াৰ আনুষ্ঠানিক ৰাষ্ট্ৰপতি কিম ইয়ং-নামৰ নেতৃত্বত গঠিত এই প্ৰতিনিধি দলটোত চিয়াৰলিডাৰ, টাইকোৱাণ্ডো অনুশীলনকাৰী আৰু এটা অৰ্কেষ্ট্ৰা আছিল।.^[3]

উত্তৰ কোৰিয়াৰ খেলুৱৈসকলে মুঠ ৬৩টা পদক লাভ কৰিছে, ইয়াৰে দুটা পদক লাভ কৰিছে শীতকালীন গেমছত। কোৰিয়াৰ সফলতাত চৰকাৰী পুঁজিয়ে মুখ্য ভূমিকা পালন কৰে। অভিজাত খেলুৱৈসকলে তেওঁলোকৰ সমনীয়াৰ তুলনাত প্ৰায়ে অতি উন্নত সুবিধা আৰু বিলাসী জীৱনশৈলী উপভোগ কৰে।^[4]

২০২১ চনৰ ৬ এপ্ৰিলত উত্তৰ কোৰিয়াই ক'ভিড-১৯ৰ চিন্তাৰ বাবে ২০২০ চনৰ গ্ৰীষ্মকালীন অলিম্পিকত অংশগ্ৰহণ নকৰাৰ কথা ঘোষণা কৰে।^[5] যিহেতু অলিম্পিক চনদত সদস্যসকলৰ অংশগ্ৰহণৰ নিৰ্দেশ দিয়া হৈছে, সেয়েহে আন্তঃৰাষ্ট্ৰীয় অলিম্পিক কমিটীয়ে উত্তৰ কোৰিয়াক ২০২২ চনৰ শেষলৈকে নিজৰ কাৰ্যকলাপৰ পৰা স্থগিত ৰাখিছিল, যাৰ ফলত দেশখনে ২০২২ চনত বেইজিঙত অনুষ্ঠিত হোৱা শীতকালীন অলিম্পিকত অংশগ্ৰহণ কৰাত বাধা আৰোপ কৰিছিল।^[6]

উত্তৰ কোৰিয়াৰ পদকৰ তালিকাঃ

গ্ৰীষ্মকালীন খেলৰ পদকৰ তালিকা

মুঠ		১৬	১৮	২৭	৬১	৪৭
অলিম্পিক	মুঠ খেলুৱৈ	সোণ	ৰূপ	ব্ৰঞ্জ	মুঠ	স্থান
১৯৩২-১৯৩৬	occupied by [[File:সাঁচ:Country flag IOC alias JPN\|22x20px\|border\|alt=\|link=\|সাঁচ:Country IOC alias JPN]] [[সাঁচ:Country IOC alias JPN, অলিম্পিকত \|সাঁচ:Country IOC alias JPN]] (JPN)
১৯৭২ মিউনিখ	৩৭	১	১	৩	৫	২২
১৯৭৬ মণ্ট্ৰিয়েল	৩৮	১	১	0	২	২১
১৯৮০ মস্কো	৫৭	0	৩	২	৫	২৬
১৯৮৪ লছ এঞ্জেলছ	অংশগ্ৰহণ কৰা নাছিল
১৯৮৮ ছিউল	অংশগ্ৰহণ কৰা নাছিল
১৯৯২ বাৰ্চিলোনা	৬৪	৪	0	৫	৯	১৬
১৯৯৬ আটলাণ্টা	২৪	২	১	২	৫	৩৩
২০০০ চিডনী	৩১	0	১	৩	৪	৬০
২০০৪ এথেন্স	৩৬	0	৪	২	৫	৫৭
২০০৮ বেইজিং	৬৩	২	২	২	৬	৩৪
২০১২ লণ্ডন	৫১	৪	0	৩	৭	২০
২০১৬ ৰিঅ' ডি জেনেৰিঅ'	৩১	২	৩	২	৭	৩৪
২০২০ টকিঅ'	অংশগ্ৰহণ কৰা নাছিল।
২০২৪ পেৰিছ	১৬	0	২	৪	৬	৬৮
২০২৮ লছ এঞ্জেলছ	আগন্তুক খেল
২০৩২ ব্ৰিচবেন	আগন্তুক খেল

শীতকালীন খেলৰ পদকৰ তালিকা

মুঠ		0	১	১	২	৪৫
অলিম্পিক	খেলুৱৈ	সোণ	ৰূপ	ব্ৰঞ্জ	মুঠ	স্থান
১৯৬৪ ইন্সব্ৰুক	১৩	0	১	0	১	১৩
১৯৬৮ গ্ৰেনোবল	অংশগ্ৰহণ কৰা নাছিল।
১৯৭২ চাপ'ৰ'	৬	0	0	0	0	-
১৯৭৬ ইন্সব্ৰুক	অংশগ্ৰহণ কৰা নাছিল।
১৯৮০ লেক প্লাচিড	অংশগ্ৰহণ কৰা নাছিল।
১৯৮৪ চাৰাইভো	৬	0	0	0	0	-
১৯৮৮ কেলগেৰী	৬	0	0	0	0	-
১৯৯২ এলবাৰ্টভিল	২০	0	0	১	১	১৯
১৯৯৪ লিলেহাইমাৰ	অংশগ্ৰহণ কৰা নাছিল।
১৯৯৮ নাগানো	৮	0	0	0	0	-
২০০২ চল্ট লেক চিটি	অংশগ্ৰহণ কৰা নাছিল।
২০০৬ টুৰিন	৬	0	0	0	0	-
২০১০ ভেংকুভাৰ	২	0	0	0	0	-
২০১৪ চ'চি	অংশগ্ৰহণ কৰা নাছিল।
২০১৮ পিয়ংচাং	১০	0	0	0	0	-
২০২২ বেইজিং	অংশগ্ৰহণ কৰা নাছিল। (বহিস্কাৰ)
২০২৬ মিলান–কৰ্টিনা	আগন্তুক খেল