জানকী বল্লভ পাটনায়ক (ওড়িয়া: ଜାନକୀ ବଲ୍ଲଭ ପଟ୍ଟନାୟକ (জন্ম: ৩ জানুৱাৰী, ১৯২৭ - মৃত্যূ: ২১ এপ্ৰিল ২০১৫) এগৰাকী ভাৰতীয় ৰাজনীতিক। তেওঁ ২০০৯ চনৰ পৰা ২০১৪ চনলৈকে অসমৰ ৰাজ্যপাল হিচাপে নিযুক্ত হৈ আছিল। ১৯৮০ চনৰ পৰা ১৯৮৯ চনলৈ আৰু ১৯৯৫ চনৰ পৰা ১৯৯৯ চনলৈ তেওঁ ভাৰতীয় জাতীয় কংগ্ৰেছৰ পৰা দুবাৰকৈ ওড়িশাৰ মুখ্যমন্ত্ৰী হিচাপে দায়িত্বভাৰ চম্ভালিছিল। উড়িষ্যাৰ সকলোতকৈ বেছিদিন কৰ্মৰত মুখ্যমন্ত্ৰী হোৱাৰ অভিলেখ পাটনায়কৰ নামত আছে।

জানকী বল্লভ পাটনায়ক
অসমৰ ৰাজ্যপাল
কাৰ্যকাল
১১ নৱেম্বৰ, ২০০৯ – ১১ ডিচেম্বৰ, ২০১৪
পূৰ্বসূৰী ছৈয়দ ছিবটে ৰাজি
উত্তৰসূৰী পদ্মনাভন বালকৃষ্ণ আচাৰ্য্য
ওড়িশা (পূৰ্বৰ উৰিষ্যা)ৰ মুখ্যমন্ত্ৰী
কাৰ্যকাল
৯ জুন ১৯৮০ – ৭ ডিচেম্বৰ ১৯৮৯
পূৰ্বসূৰী নীলমণি ৰাউতৰয়
উত্তৰসূৰী হেমানন্দ বিছৱাল
কাৰ্যকাল
১৫ মাৰ্চ ১৯৯৫ – ১৭ ফেব্ৰুৱাৰী ১৯৯৯
পূৰ্বসূৰী বিজু পাটনায়ক
উত্তৰসূৰী গিৰিধৰ গামাঙ
ব্যক্তিগত তথ্য
জন্ম
জানকী বল্লভ পাটনায়ক

০৩ জানুৱাৰী, ১৯২৭ (৯৬ বছৰ)
ৰামেশ্বৰ, পুৰী জিলা
মৃত্যু ২১ এপ্ৰিল, ২০১৫ (৮৮ বছৰ)
তিৰুপতি
ৰাজনৈতিক দল ভাৰতীয় জাতীয় কংগ্ৰেছ
দাম্পত্যসঙ্গী জয়ন্তী পাটনায়ক
সন্তান পুত্ৰ: পৃথ্বী বল্লভ পাটনায়ক,
পুত্ৰী: সুদত্তা পাটনায়ক আৰু সুপ্ৰিয়া পাটনায়ক।
শিক্ষানুষ্ঠান উৎকল বিশ্ববিদ্যালয়,
বেনাৰস হিন্দু বিশ্ববিদ্যালয়
ৱেবছাইট Official Website

শিক্ষা আৰু কৰ্মজীৱন সম্পাদনা কৰক

খুৰ্দা হাইস্কুলৰ পৰা শিক্ষা শেষ কৰাৰ পিছত জানকী বল্লভ পাটনায়কে উৎকল বিশ্ববিদ্যালয়ৰ পৰা ১৯৪৭ চনত সংস্কৃত বিষয়ত স্নাতক ডিগ্ৰী লাভ কৰে। ১৯৫০ চনত তেওঁ বেনাৰস হিন্দু বিশ্ববিদ্যালয়ৰ পৰা ৰাজনীতি বিজ্ঞান বিষয়ত স্নাতকোত্তৰ ডিগ্ৰী লাভ কৰে। ১৯৫০ চনত তেওঁ ভাৰতীয় জাতীয় কংগ্ৰেছৰ যুৱ শাখাৰ উৰিষ্যাৰ ৰাজ্যিক সভাপতি হিচাপে নিযুক্তি লাভ কৰে। ১৯৮০ চনত তেওঁ কেন্দ্ৰীয় মন্ত্ৰীসভাত পৰ্যটন, অসমাৰিক বিমান আৰু শ্ৰম বিভাগৰ মন্ত্ৰী হিচাপেও কৰ্মৰত আছিল।

মৃত্যু সম্পাদনা কৰক

২০১৫ চনৰ এপ্ৰিল মাহৰ ২১ তাৰিখ বুধবাৰে তিৰুপতিৰ এখন ব্যক্তিগত খণ্ডৰ চিকিৎসালয়ত উড়িষ্যাৰ প্ৰাক্তন মূখ্যমন্ত্ৰী তথা অসমৰ প্ৰাক্তন ৰাজ্যপাল গৰাকীৰ দেহাৱসান ঘটে।[1]

বিতৰ্ক সম্পাদনা কৰক

৮০ দশকৰ মাজভাগত জানকী বল্লভ পাটনায়কৰ নাম শিহৰণকাৰী 'Illustrated Weekly' sex racket sting operation-ত জড়িত হৈ পৰিছিল। তেওঁ অঞ্জণা মিশ্ৰ ধৰ্ষণ গোচৰ গাপ দি ৰখাত জড়িত বুলিও অভিযোগ উত্থাপিত হৈছিল। [2][3]

তথ্যসূত্ৰ সম্পাদনা কৰক

বাহ্যিক সংযোগ সম্পাদনা কৰক