জ্যোতিৰ্ময়ী শিকদাৰ
জ্যোতিৰ্ময়ী ছিকদাৰ (ইংৰাজী: Jyotirmoyee Sikdar; জন্ম: ১১ ডিচেম্বৰ ১৯৬৯) এগৰাকী ভাৰতীয় ৰাজনীতিবিদ আৰু প্ৰাক্তন ক্ৰীড়াবিদ। চতুৰ্দশ লোকসভাত কৃষ্ণনগৰ সমষ্টিৰ পৰা ভাৰতীয় কমিউনিষ্ট পাৰ্টি (মাৰ্ক্সবাদী)ৰ সাংসদ সদস্য হিচাপে তেখেতে কাৰ্যনিৰ্বাহ কৰিছিল৷ ২০০৯ চনৰ ভাৰতীয় সাধাৰণ নিৰ্বাচনত তৃণমূল কংগ্ৰেছৰ ৰাজনীতিবিদ (প্ৰাক্তন অভিনেতা) তাপস পলৰ হাতত তেখেত পৰাস্ত হয়৷ পৰাজয়ৰ পিছত শিকদাৰ ৰাজনীতিত নিষ্ক্ৰিয় হৈ পৰিব বুলি শ্ৰুতিগোচৰ গৈছিল৷ পিছে ২০১৯ চনত তেওঁ স্বত:স্ফূৰ্তভাৱে সৰ্বভাৰতীয় তৃণমূল কংগ্ৰেছক সমৰ্থন কৰাৰ প্ৰতিশ্ৰুতি দিয়ে আৰু তাৰ পৰৱৰ্তী বছৰত ভাৰতীয় জনতা দলত যোগদান কৰে।[1]
জ্যোতিৰ্ময়ী শিকদাৰ Jyotirmoyee Sikdar | |
|---|---|
| লোকসভাৰ সাংসদ | |
| কাৰ্যকাল ২০০৪ – ২০০৯ | |
| পূৰ্বসূৰী | সত্যব্ৰত মুখাৰ্জী |
| উত্তৰসূৰী | তাপস পল |
| সমষ্টি | কৃষ্ণনগৰ লোকসভা সমষ্ঠি |
| ব্যক্তিগত তথ্য | |
| জন্ম | ১১ ডিচেম্বৰ, ১৯৬৯ (৫৪ বছৰ) নদীয়া, পশ্চিম বংগ |
| ৰাজনৈতিক দল | ভাৰতীয় জনতা পাৰ্টি (২০২০) |
| আন ৰাজনৈতিক সম্পৰ্ক |
ভাৰতীয় কমিউনিষ্ট পাৰ্টি (২০০৪-২০০৯) |
| দাম্পত্যসঙ্গী | অৱতাৰ সিং (বি. ১৯৯৪) |
| সন্তান | অভ্ৰজ্যোতি সিং |
| পিতৃ-মাতৃ | Gurudas Sikdar (father) Niharbala Sikdar (mother) |
| বাসস্থান | কলিকতা |
| শিক্ষানুষ্ঠান | দেৱগ্ৰাম ডি.কে. ছোৱালী হাইস্কুল, দেৱগ্ৰাম এছ.এ. বিদ্যাপীঠ |
| ১৭ ছেপ্টেম্বৰ, ২০০৬-ৰ তথ্য উৎস: [1] | |
মধ্য দূৰত্বৰ দৌৰবিদ হিচাপে ১৯৯৫ চনত এছিয়ান এথলেটিকছ চেম্পিয়নশ্বিপত তেখেত ৮০০ মিটাৰ দৌৰত জয়ী হৈছিল। ১৯৯৮ চনত এছিয়ান এথলেটিকছ চেম্পিয়নশ্বিপত ৮০০ মিটাৰ আৰু ১৫০০ মিটাৰ শাখাত ব্ৰঞ্জৰ পদক আৰু ১৯৯৮ চনত বেংককত অনুষ্ঠিত এছিয়ান গেমছৰ দুয়োটা শাখাতে তেখেতে সোণৰ পদক লাভ কৰে।[2][3] ১৯৯৫ চনত জ্যোতিৰ্ময়ী শিকদাৰে অৰ্জুন বঁটা আৰু ১৯৯৮–১৯৯৯ বৰ্ষৰ মেজৰ ধ্যানচান্দ খেলৰত্ন বঁটা লাভ কৰে। ২০০৩ চনত তেওঁক পদ্মশ্ৰী বঁটা প্ৰদান কৰা হয়।[4]
ব্যক্তিগত জীৱন
সম্পাদনা কৰক১৯৬৯ চনৰ ১১ ডিচেম্বৰত পশ্চিমবংগৰ নদিয়া জিলাৰ দেবগ্ৰামত গুৰুদাস শিকদাৰ আৰু নিহাৰ শিকদাৰৰ ঘৰত জ্যোতিৰ্ময়ী শিকদাৰৰ জন্ম হয়৷ তেখেতে উচ্চতৰ মাধ্যমিক পৰ্যন্ত পঢ়িছিল৷ ১৯৯৪ চনৰ ৯ ফেব্ৰুৱাৰীত শিকদাৰে অৱতাৰ সিঙৰ সৈতে বিবাহপাশত আবদ্ধ হয় আৰু পাছত তেওঁলোকৰ এটি পুত্ৰ সন্তান জন্ম হয়।[5]
সাফল্য
সম্পাদনা কৰক| বৰ্ষ | প্ৰতিযোগিতা | খেলৰ স্থান | স্থান | টোকা |
|---|---|---|---|---|
প্ৰতিনিধিত্ব  ভাৰত
| ||||
| ১৯৯৮ | এছিয়ান চেম্পিয়নশ্বিপ ১৯৯৮ | ফুকুৱাকা, জাপান | তৃতীয় | ৮০০ মিটাৰ |
| তৃতীয় | ১৫০০ মিটাৰ | |||
| এছিয়ান গেমছ, ১৯৯৮ | বেঙ্কক, থাইলেণ্ড | প্ৰথম | ৮০০ মিটাৰ | |
| প্ৰথম | ১৫০০ মিটাৰ | |||
| ১৯৯৫ | এছিয়ান চেম্পিয়নশ্বিপ,১৯৯৫ | জাকাৰ্টা, ইণ্ডোনেছিয়া | প্ৰথম | ৮০০ মিটাৰ |
তথ্যসূত্ৰ
সম্পাদনা কৰক- ↑ "West Bengal: Ex-CPM MP Jyotirmoyee Sikdar joins BJP" (en ভাষাত). The Week. 9 June 2020. https://www.theweek.in/news/india/2020/06/09/west-bengal-ex-cpm-mp-jyotirmoyee-sikdar-joins-bjp.html.
- ↑ Asian Games. GBR Athletics. Retrieved on 2011-08-20.
- ↑ Asian Championships. GBR Athletics. Retrieved on 2011-08-20.
- ↑ "Padma Awards". Ministry of Home Affairs, Government of India. 2015. Archived from the original on 15 October 2015. https://web.archive.org/web/20151015193758/http://mha.nic.in/sites/upload_files/mha/files/LST-PDAWD-2013.pdf। আহৰণ কৰা হৈছে: 21 July 2015.
- ↑ "Current Lok Sabha Members Biographical Sketch". 22 June 2006. http://164.100.24.208/ls/lsmember/biodata.asp?mpsno=4185। আহৰণ কৰা হৈছে: 12 November 2019.