টেঙ-ঙাই ম'হুং

পণ্ডিত টেঙ-ঙাই ম'হুং (জন্ম:১৭১৫ খ্ৰীষ্টাব্দ) অসমৰ প্ৰথম অভিধান প্ৰণেতা, তাঈ আহোম লেখক, সাহিত্যিক,বুদ্ধিজীৱী আছিল।তেওঁ লিখা হ '-মু'ঙ নামৰ বৰ কাকতখন অসমৰ প্ৰথম অভিধান আছিল।

টেঙ-ঙাই ম'হুং
জন্ম	টেঙ-ঙাই ১৭১৫ খ্ৰীষ্টাব্দ ছে-ৰাই-দয়
মৃত্যু	১৮২৩ খোৱাং,ডিব্ৰুগড় , অসম
সমাধিস্থল	টেঙ-ঙাই মৈদাম, খোৱাং, ডিব্ৰুগড়
পেচা	অভিধান প্ৰণেতা,লেখক,বুদ্ধিজীৱী
ভাষা	আহোম ভাষা
বংশদ্ভূত	আহোম জনগোষ্ঠী
সাহিত্যিক বিপ্লৱ	তাঈ আহোম পুনৰ উদ্ধাৰ অভিযান
উল্লেখনীয় কৰ্মৰাজি	হ '-মু'ঙ (অসমৰ প্ৰথম অভিধান) প্ৰণেতা

কৰ্মৰাজি

১৭৯৫ চনত তেঁও লিখা টাইআহোম-অসমীয়া অভিধানত টাই-আহোম ভাষাত ২৫০০ টা শব্দ আৰু ইয়াৰ অসমীয়া ভাষাত অৰ্থ সমুহ টাই-আহোম লিপিত লিখা। প্ৰায় একে সময়তে ৰমাকান্ত মলাইঘৰীয়া বৰুৱাই সংকলন কৰা আন এখন টাই-অসমীয়া অভিধানত শব্দসমুহ বিষয়বস্তুৰ বিন্যাসৰ বিপৰীতে শব্দৰ বৰ্ণানুক্ৰমিকভাৱে সজ্জিত কৰা হৈছিল। দ্বিতীয় অসমীয়া অভিধান হেমকোষৰ এক শতিকাৰ আগতেই এই অভিধান লিখা হৈছিল। তেঁও সাঁচিপাতৰ ওপৰত লিখা অভিধানখনত প্ৰতিটো পৃষ্ঠাত টাই-আহোম কেলেণ্ডাৰ আৰু অসমীয়া কেলেণ্ডাৰত তাৰিখ আৰু অভিধানখন সম্পূৰ্ণ হোৱাৰ তাৰিখ পৰ্যন্ত লিখা আছিল। অসম চৰকাৰে ১৯৬৪ চনত তেওঁৰ অভিধানৰ প্ৰথম সংস্কৰণ ছপা কৰি উলিয়াইছিল আৰু ২০১০ চনৰ জানুৱাৰী মাহত টাই-আহোম গৱেষকসকলে দ্বিতীয় সংস্কৰণ প্ৰকাশ কৰিছিল।

লগতে চাওক

• আহোম ভাষা
• আহোম জনগোষ্ঠী
• আহোম লিপি