তানা আৰু ৰিৰি

তানা আৰু ৰিৰি হ'ল এটা ভাৰতীয় গল্প। গল্পটো ১৫৬৪ চনত জন্ম হোৱা দুজনী ছোৱালীৰ বিষয়ে যাক ৰজা আকবৰৰ ৰাজসভাত গীত পৰিৱেশন কৰিবলৈ কোৱা হৈছিল। এই কাহিনীটো গুজৰাট লোক-সংস্কৃতিৰ অংগ। এই যমজ ভগ্নীদ্বয় গুজৰাট ৰাজ্যৰ বিষনগৰৰ ওচৰৰ বানাগৰৰ আছিল। তানা আৰু ৰিৰি নাৰ্চি মেহতাৰ ওচৰ সম্পৰ্কীয় আৰু নাৰ্চি মেহতাৰ নাতিনী হ'ল শৰ্মিষ্ঠা। শৰ্মিষ্ঠা তানা আৰু ৰিৰিৰ মাতৃ।

নৰেন্দ্ৰ মোডীয়ে তানা-ৰিৰি আৰু পণ্ডিত ওমকাৰনাথ সংগীত পদক আগবঢ়াইছে

কিংবদন্তি

আকবৰৰ সভাত দীপক ৰাগ পৰিৱেশন কৰি যেতিয়া তানসেন দগ্ধ হয়, তেতিয়া আকবৰৰ সৈন্যই বিচাৰ-খোঁচাৰ লৈ তানা-ৰিৰিৰ কথা গম পালে। তানসেনৰ শৰীৰৰ দাহ কাটিবৰ বাবে ৰজাই তেওঁলোকক ৰাগ মালহাৰ গাবলৈ মাতে। কিন্তু তেওঁলোকে ৰজাৰ আদেশ অমান্য কৰি আত্মহনন কৰে কাৰণ গাঁওবাসী ৰূপে গাঁৱৰ পূজ্য দেৱতাৰ সন্মুখত গীত গাবলৈহে তেওঁলোক বদ্ধপৰিকৰ আছিল। সেয়ে ৰজাৰ আদেশ অমান্য কৰাতকৈ তেওঁলোকে আত্মহনন কৰাই শ্ৰেয় বুলি ধৰি লয়।

সন্মান

বানাগৰত তানা-ৰিৰিক সন্মানিত কৰিবলৈ এটি স্মাৰক সজা হৈছে। প্ৰতিবছৰে গুজৰাট চৰকাৰে তানা-ৰিৰি সংগীত সমাৰোহ আয়োজন কৰি নিষ্ঠা প্ৰদৰ্শন কৰে।

লগতে চাওক

• আকবৰৰ নৱৰত্ন