বিজয় (অভিনেতা)

জোচেফ বিজয় চন্দ্ৰশেখৰ (ইংৰাজী: Joseph Vijay Chandrasekhar; জন্ম ২২ জুন ১৯৭৪), চমুকৈ বিজয় নামেৰে পৰিচিত ভাৰতীয় অভিনেতা গৰাকী তামিল ভাষাৰ চলচ্চিত্ৰত অভিনয় কৰে। তেওঁ অভিনেতাৰ লগতে একাধাৰে নৃত্যশিল্পী, নেপথ্য গায়ক আৰু সমাজ সেৱক।

বিজয়
বিজয়
জন্ম	জোচেফ বিজয় চন্দ্ৰশেখৰ ২২ জুন, ১৯৭৪ (৫০ বছৰ) মাদ্ৰাজ, তামিলনাডু, ভাৰত (বৰ্তমানৰ চেন্নাই)
ৰাষ্ট্ৰীয়তা	ভাৰতীয়
অন্য নাম	থালাপাথি
শিক্ষানুষ্ঠান	লয়লা কলেজ, চেন্নাই
পেচা	অভিনেতা নৃত্যশিল্পী নেপথ্য গায়ক সমাজ সেৱক
সক্ৰিয় হৈ থকা সময়	১৯৮৪ – ১৯৮৮ (শিশু অভিনেতা) ১৯৯২ – বৰ্তমান (মুখ্য অভিনেতা)
দাম্পত্যসঙ্গী	সংগীতা সৰ্ণালিংগম (বি. ১৯৯৯)
পিতৃ-মাতৃ	এচ.এ. চন্দ্ৰশেখৰ (পিতৃ) সভা চন্দ্ৰশেখৰ (মাতৃ)
সন্তান	২
আত্মীয়-স্বজন	চাওক চন্দ্ৰশেখৰ পৰিয়াল

ফেন তথা মিডিয়াসকলৰ মাজত তেওঁ “থালাপাথি” (কমাণ্ডাৰ) নামে বেচি পৰিচিত। বিজয় তামিল চলচ্চিত্ৰৰ সৰ্বাধিক বেতনৰ অভিনেতা। ২০১৭ চনত তেওঁ অভিজ্ঞ ৰজনীকান্তৰ পিছত তামিল চলচ্চিত্ৰৰ ইতিহাসত দ্বিতীয় শীৰ্ষস্থানীয় অভিনেতা হয়। বিজয়ে ৬৪খন চলচ্চিত্ৰত মুখ্য ভূমিকা পালন কৰাৰ লগতে তেওঁ বিভিন্ন পুৰস্কাৰেৰে সন্মানিত হয়, তাৰ ভিতৰত বিজয় এৱাৰ্ডচ্‌ (৮টা), তামিলনাডু ষ্টেট ফিল্ম এৱাৰ্ডচ্‌ (৩টা) আৰু এচ.আই.আই.এম.এ এৱাৰ্ড। তেওঁ ভাৰতীয় চেলেব্ৰিটিসকলে সৰ্বাধিক উপাৰ্জন কৰা ফৰবেচ্‌ ইণ্ডিয়া চেলেব্ৰিটি ১০০ লিষ্টত সাতবাৰকৈ আছিল।

জন্ম পৰিচয়

বিজয় ১৯৭৪ চনৰ ২২ জুনত তামিলনাডুৰ মাদ্ৰাজত (বৰ্তমানৰ চেন্নাই) জন্মগ্ৰহণ কৰে। তেওঁৰ পিতৃ এস. এ. চন্দ্ৰশেখৰ তামিল ছবিৰ পৰিচালক আছিল। তেওঁৰ মাক সভা চন্দ্ৰশেখৰ এগৰাকী স্বনামধন্য গায়িকা আছিল।

বিজয়ে ১৯৯৯ চনত ফেন সংগীতা সৰ্ণালিংগমৰ সৈতে বিবাহ পাশত আবদ্ধ হয়। সংগীতা সৰ্ণালিংগম আছিল শ্ৰীলঙ্কাৰ তামিল যাৰ সৈতে তেওঁৰ প্ৰথম সাক্ষাৎ হয় ১৯৯৯ চনৰ ২৫ আগষ্টত যুক্তৰাষ্ট্ৰত। তেওঁৰ দুটা সন্তান- সঞ্জয় (জন্ম ২০০০, লণ্ডন) আৰু দিব্যা (জন্ম ২০০৫, চেন্নাই)।

বাহ্যিক সংযোগ

• ৱিকিমিডিয়া কমন্সত বিজয় সম্পৰ্কীয় মিডিয়া ফাইল।
• বিজয় সম্পৰ্কে ইণ্টাৰনেট মুভি ডাটাবেছত থকা তথ্য।
• এক্সত বিজয়