ভৱেশ শইকীয়া
ভৱেশ শইকীয়া (ইংৰাজী: Bhabesh Saikiya) অসমৰ এগৰাকী সাংবাদিক আৰু অসমত “আপকু’’ৰ প্ৰতিষ্ঠাপক সভাপতি আছিল৷ তেওঁ বিভিন্ন সামাজিক অনুষ্ঠান-প্ৰতিষ্ঠানৰ সৈতে জড়িত হোৱাৰ উপৰি সাহিত্যিক আৰু অভিনেতা হিচাপেও মানুহৰ মাজত পৰিচিত আছিল৷
| ভৱেশ শইকীয়া | |
|---|---|
| জন্ম | ১৬ জানুৱাৰী, ১৯৩০ বোকাখাত |
| মৃত্যু | বোকাখাত |
| ৰাষ্ট্ৰীয়তা | ভাৰতীয় |
| শিক্ষা | ছেইণ্ট এন্টনী কলেজ |
জন্ম আৰু পৰয়াল
সম্পাদনা কৰক১৯৩০ চনৰ ষোল্ল জানুৱাৰীত বোকাখাত চহৰৰ বিষ্ণুপুৰত ভৱেশ শইকীয়াৰ জন্ম হয়৷ তেওঁৰ পিতৃৰ নাম আছিল, খগেন্দ্ৰনাথ শইকীয়া আৰু মাকৰ নাম আছিল গুণৱতী শইকীয়া৷ ১৯৬৪ চনৰ ১২ মাৰ্চত তেওঁ বিয়া কৰায়, বোকাখাতৰ সমাজকৰ্মী চন্দ্ৰপ্ৰভাক৷ তেওঁলোকৰ চাৰিজন পুত্ৰ জন্ম হয়৷[1]
শিক্ষা
সম্পাদনা কৰকবোকাখাতৰ নামদৈফাং প্ৰাথমিক বিদ্যালয়ত আনুষ্ঠানিক শিক্ষা আৰম্ভ কৰি ভৱেশ শইকীয়াই টেঙাখাত হাইস্কুলৰ পৰা মেট্ৰিক পৰীক্ষা পাছ কৰে আৰু যোৰহাট জে.বি. কলেজৰ পৰা আই.এ. পাছ কৰি শ্বিলঙলৈ পঢ়িবলৈ যায়৷ শ্বিলঙৰ ছেইণ্ট এণ্টনী কলেজৰ পৰা তেওঁ বি.এ. পাছ কৰে৷[1]
কৰ্মজীৱন
সম্পাদনা কৰকএণ্টনী কলেজত শিক্ষা গ্ৰহণ কৰি থকা সময়তে তেওঁ শ্বিলঙৰ “হেণ্ডলুম উইভিং অফিচ’ত কাৰ্যালয় সহকাৰী হিচাপে কৰ্মজীৱন আৰম্ভ কৰে৷ স্নাতক ডিগ্ৰী লোৱাৰ পিছত তেওঁ ঘৰলৈ উভতি আহে আৰু ৰজাবাৰী হাইস্কুলত সহকাৰী শিক্ষক হিচাপে যোগদান কৰে৷ পিছত, তাৰপৰা তেওঁ বোকাখাত উচ্চ মাধ্যমিক বিদ্যালয়ত যোগদান কৰে আৰু ১৯৯২ চনত সেই বিদ্যালয়ৰ পৰাই অৱসৰ গ্ৰহণ কৰে৷[1]
সাহিত্যকৰ্ম
সম্পাদনা কৰকস্কুলীয়া অৱস্থাৰ পৰাই সাহিত্য কৰ্মৰ সৈতে জড়িত থকা শইকীয়াই “ভ্ৰমৰ’’ নামৰ আলোচনীত প্ৰথম “কৃষক’’ নামেৰে এটি কবিতা লিখে৷ তাৰপিছত হাতেলিখা আলোচনী “উদয়’’, আৱাহন, ৰামধেনু, সাপ্তাহিক জনমভূমি, অসম বাণী আদি কাকত আলোচনীত কবিতাৰ উপৰি নানা বিষয়ৰ প্ৰবন্ধ প্ৰকাশ কৰিছিল৷ “বহু মিশ্ৰিত সুৰ’’ তেওঁৰ প্ৰথম প্ৰকাশিত পুথি৷ তদুপৰি তেওঁ প্ৰায় ত্ৰিশখনৰো অধিক গ্ৰন্থ আৰু স্মৃতিগ্ৰন্থ সম্পাদনা কৰি প্ৰকাশ কৰে৷
সামাজিক কৰ্ম
সম্পাদনা কৰকভৱেশ শইকীয়া বোকাখাত শাখা মইনা পাৰিজাতৰ এজন প্ৰতিষ্ঠাপক সদস্য আছিল৷[2] তেওঁ মইনা পাৰিজাতৰ সম্পাদকৰ দায়িত্ব পালন কৰাৰ উপৰি “আছাম প্ৰেছ কৰেছপণ্ডেণ্ট ইউনিয়ন’’ৰ প্ৰতিষ্ঠাপক সভাপতি আৰু স্থানীয় বহু সংগঠনৰ বিভিন্ন পদবীৰ দায়িত্ব লৈ সামাজিক কৰ্মত নিয়োজিত হৈ আছিল৷[1]
বঁটা সন্মান
সম্পাদনা কৰকতেওঁ সদৌ অসম মইনা পাৰিজাতৰ পৰা ২০২০ চনত “শিশুবন্ধু’’ উপাধি লাভ[3] কৰাৰ উপৰি অসম চৰকাৰৰ সাহিত্যিক পেন্সনো লাভ[4] কৰিছিল৷ মহেন্দ্ৰনাথ হাজৰিকা সোঁৱৰণী বঁটা, গোলাঘাট জিলা সাহিত্য সভাৰ শিক্ষা সাহিত্য বঁটা, সন্ধানী লেখিকা সমাৰোহ সমিতিৰ দ্বাৰা “জনতাৰ প্ৰহৰী’’ উপাধি আদি নানা অনুষ্ঠান-প্ৰতিষ্ঠানৰ পৰা নানা সন্মান-সম্বৰ্ধনা লাভ কৰিছিল৷[1]
মৃত্যু
সম্পাদনা কৰক- ↑ 1.0 1.1 1.2 1.3 1.4 "সংবাদ জগতৰ পিতামহ ভৱেশ শইকীয়াৰ মহাপ্ৰয়াণ". ৰাইজৰ খবৰ খণ্ড ১৯: ১. ১০ আগষ্ট ২০২৩.
- ↑ গগৈ, সুৰেন্দ্ৰ নাথ (আগষ্ট ২০২৩). "চিন্তাবিদ, শিশুপ্ৰেমী “শিশুবন্ধু’’ বিয়োগত এক অপূৰণীয় ক্ষতি". ৰাইজৰ খবৰ.
- ↑ "মইনা পাৰিজাতৰ শিশুবন্ধু উপাধি.......". https://www.kazirangalive.in/2020/07/07/bokakhat-writer-felicitations/। আহৰণ কৰা হৈছে: 26 September 2023.
- ↑ "বোকাখাতৰ ধনশিৰি ইক’ কেম্পত......". https://aiidesh.news/bhabesh-saikias-birthday-dhansiri-eco-camp-aiidesh-award-kiachi-journalist-award। আহৰণ কৰা হৈছে: 26 September 2023.