স্মল ফাইনেন্স বেংক

স্মল ফাইনেন্স বেংক (চমুকৈ এছএফবি) হৈছে ভাৰতৰ এক ধৰণৰ ক্ষুদ্ৰ বিত্তীয় বেংক। স্মল ফাইনেন্স বেংক (এছ এফ বি) অনুজ্ঞাপত্ৰ থকা বেংকে জমা ধন গ্ৰহণ আৰু ঋণ দিয়াৰ মৌলিক বেংকিং সেৱা আগবঢ়াব পাৰে। এইবোৰৰ আঁৰৰ লক্ষ্য হৈছে অৰ্থনীতিৰ যিবোৰ অংশক অন্য বেংকে সেৱা আগবঢ়োৱা নাই, যেনে ক্ষুদ্ৰ ব্যৱসায়িক গোট, ক্ষুদ্ৰ আৰু প্ৰান্তীয় কৃষক, ক্ষুদ্ৰ আৰু মধ্যম উদ্যোগ আৰু অসংগঠিত খণ্ডৰ সত্তাসমূহক আৰ্থিক অন্তৰ্ভুক্তি প্ৰদান কৰা।

ইতিহাস

২০১৪ চনৰ ১৭ জুলাইত ভাৰতীয় ৰিজাৰ্ভ বেংকে (আৰ বি আই) আগ্ৰহী সত্তা আৰু সাধাৰণ জনতাৰ বাবে মন্তব্য বিচাৰি, ক্ষুদ্ৰ বিত্ত বেংকৰ বাবে খচৰা নিৰ্দেশনা প্ৰকাশ কৰে। ২০১৪ চনৰ ২৭ নৱেম্বৰত আৰ বি আইয়ে প্ৰকাশ কৰা চূড়ান্ত নিৰ্দেশনা প্ৰকাশ কৰিছিল।

২০১৫ চনৰ ফেব্ৰুৱাৰী মাহত আৰ বি আইয়ে ক্ষুদ্ৰ বিত্তীয় বেংকৰ অনুজ্ঞাপত্ৰৰ বাবে আবেদন কৰা সত্তাৰ তালিকা প্ৰকাশ কৰে। প্ৰথমাৱস্থাত ৭২ জন আবেদনকাৰী আছিল। উষা থোৰাটৰ নেতৃত্বত এখন বহিঃপৰামৰ্শ সমিতিয়ে অনুজ্ঞাপত্ৰৰ আবেদনসমূহৰ মূল্যায়ন কৰিব বুলি ঘোষণা কৰা হৈছিল।

২০১৫ চনৰ ১৭ ছেপ্টেম্বৰত ভাৰতীয় ৰিজাৰ্ভ বেংকে ঘোষণা কৰে যে তেওঁলোকে দহটা সত্তাক অস্থায়ী অনুজ্ঞাপত্ৰ দিছে যিয়ে এবছৰৰ ভিতৰত ক্ষুদ্ৰ বিত্ত বেংকলৈ ৰূপান্তৰিত হ'ব পাৰিব। এই দহটা সত্তাৰ ভিতৰত আঠটা আছিল ক্ষুদ্ৰ বিত্তীয় এনবিএফচি। কেপিটেল স্মল ফাইনেন্স বেংক আছিল প্ৰথমটো স্মল ফাইনেন্স বেংক যিয়ে কাম আৰম্ভ কৰিছিল। ২০১৬ চনৰ ২৪ এপ্ৰিলত ৪৭টা শাখাৰে কেপিটেল স্মল ফাইনেন্স বেংক মুকলি কৰা হৈছিল।

স্মল ফাইনেন্স বেংকৰ তালিকা

বেংকৰ নাম	স্থাপিত	মূখ্য কাৰ্যালয়	শাখাৰ সংখ্যা	উদ্ধৃতি
উজ্জীৱন স্মল ফাইনেন্স বেংক	২০১৭	বেংগালুৰু, কৰ্ণাটক	৪৬৪
জনা স্মল ফাইনেন্স বেংক	২০১৮	বেংগালুৰু, কৰ্ণাটক	৭১৮
ইকুইটাছ স্মল ফাইনেন্স বেংক	২০১৬	চেন্নাই, তামিলনাডু	৪১২
এউ স্মল ফাইনেন্স বেংক	২০১৭	জয়পুৰ, ৰাজস্থান	৩৯৬
কেপিটেল স্মল ফাইনেন্স বেংক	২০১৬	জলন্ধৰ, পঞ্জাৱ	৪৭
ফিনকেয়াৰ স্মল ফাইনেন্স বেংক	২০১৭	বেংগালুৰু, কৰ্ণাটক	৯১৯
ইএএসএফ স্মল ফাইনেন্স বেংক	২০১৭	ত্ৰিশুৰ, কেৰেলা	৫৭৫
নৰ্থ ইষ্ট স্মল ফাইনেন্স বেংক	২০১৭	গুৱাহাটী, অসম
সূৰ্যোদয় স্মল ফাইনেন্স বেংক	২০১৭	মুম্বাই, মহাৰাষ্ট্ৰ	৪৭৭
উৎকৰ্ষ স্মল ফাইনেন্স বেংক	২০১৮	বাৰাণসী, উত্তৰ প্ৰদেশ
শিৱালিক স্মল ফাইনেন্স বেংক	২০২১	চাহাৰানপুৰ, উত্তৰ প্ৰদেশ	৪৬
ইউনিটি স্মল ফাইনেন্স বেংক	২০২১