অসীম বোথ্ৰা
| এই প্ৰবন্ধটোত কোনো কোনো স্থানত তথ্যসূত্ৰ বা প্ৰসংগৰ উল্লেখ প্ৰয়োজন। অনুগ্ৰহ কৰি বিশ্বাসযোগ্য উৎস দেখুৱাই এই প্ৰবন্ধটো উন্নত কৰাত সহায় কৰক। বিশ্বাসযোগ্য তথ্য উৎসৰ উল্লেখ নথকা প্ৰবন্ধৰ বিশ্বাসযোগ্যতা কমে আৰু অনেক ক্ষেত্ৰত ই ইয়াক বিশ্বাস কৰি লোৱা পঢ়ুৱৈৰ ক্ষতি সাধনো কৰিব পাৰে। সেয়ে তথ্য-উৎসৰ উল্লেখ নথকা প্ৰবন্ধক প্ৰত্যাহ্বান জনোৱা হ'ব পাৰে। আনহাতে পঢ়ুৱৈসকলেও প্ৰবন্ধটোত য’ত প্ৰয়োজন যেন দেখে সেই বাক্যৰ পাছত {{উদ্ধৃতিৰ প্ৰয়োজন}} বুলি লিখি ৰাখিও ৱিকিপিডিয়াত উৎসৰ উল্লেখৰ ক্ষেত্ৰত ৰাইজক সজাগ কৰিব পাৰে। |
অসমৰ বিশ্বনাথ চাৰিআলিৰ পৰা ৪.৫ কি:মি: উত্তৰলৈ থকা বৰকুৰা গাৱত ১৯৪৮ চনৰ ১৩ মাৰ্চত জন্ম লোৱা অসীম বোথ্ৰা স্বৰ্গীয় নবিন চন্দ্ৰ বোথ্ৰা আৰু স্বৰ্গীয় মণিবালা বোথ্ৰাৰ ৪নং সন্তান। বিশ্বনাথ মহাবিদ্যালয়ত থকাৰ পৰাই সাংস্কৃতিক জগতৰ লগত ওতঃপ্ৰোত ভাবে জড়িত। ২০১৬ চনৰ ৩১ মাৰ্চ তাৰিখে তেখেতৰ মৃত্যু হয়।
| অসীম বোথ্ৰা | |
|---|---|
 বঁটা সহ অসীম বোথ্ৰা | |
| জন্ম | ১৩ মাৰ্চ, ১৯৪৮ বিশ্বনাথ চাৰিআলি |
| মৃত্যু | ১৩ মাৰ্চ, ২০১৬ (৬৮ বছৰ) গুৱাহাটী |
| পেচা | চলচ্চিত্ৰ অভিনেতা, ৰূপসজ্জাকাৰ, দৃশ্য সজ্জাকাৰ, পৰিচালক |
| দাম্পত্যসঙ্গী | কল্পনা বোথ্ৰা |
কৰ্ম্ম জীৱন
সম্পাদনা কৰকতেখেত এজন প্ৰতিস্থিত চলচ্চিত্ৰ কৰ্মী। বহুবছৰ ধৰি নাট্যজগতত অভিনেতা, ৰূপসজ্জাকাৰ, দৃশ্য সজ্জাকাৰ, পৰিচালক হিছাপে অভিজ্ঞতা সঞ্চয় কৰি ১৯৭৩ চনত অভিযান (পৰিচালক: সুজিত সিংহ) কথাছবিত সহকাৰি পৰিচালক হিচাপে চলচ্চিত্ৰ জগতত প্ৰৱেশ কৰে। উক্ত কথাছবিত 'গোসাই' নামৰ এটি চৰিত্ৰত অভিনয় কৰি দৰ্শকৰ প্ৰশংসা লাভ কৰিবলৈও সক্ষম হয়। ১৯৭৩ চনত অতুল বৰদলৈ পৰিচালিত "অনুতাপ" কথাছবিত মুখ্য-সহকাৰি পৰিচালকৰ দায়িত্ব পালন কৰে। ইয়াৰ পাছত উপপথ (পৰিচালক: হেমন্ত দত্ত) আৰু 'বুধু-অৰ্জুন' (পৰিচালক: পদ্ম কৈৰী) কথাছবিত অভিনয়ৰ লগতে মুখ্য সহকাৰি পৰিচালক হিচাপে কাম কৰে। ব্ৰজেন বৰা পৰিচালিত তিনিখন কথাছবি ক্ৰমে 'গৰম বতাহ', 'সত্যম শিৱম সুন্দৰম' আৰু 'মহাপুৰুষ'-ত অভিনয়ৰ লগতে ৰূপসজ্জাকাৰ হিছাপে দায়িত্ব পালন কৰে। সুমন হৰিপ্ৰিয়াৰ 'ককাদেউতাৰ ঘৰজোঁৱাই' আৰু ৰাষ্ট্ৰীয় চলচ্চিত্ৰৰ শ্ৰেষ্ঠ আঞ্চলিক ছবিৰ বঁটা প্ৰাপ্ত ছবি 'কদমতলে কৃষ্ণ নাচে'ত কলা নিৰ্দ্দেশক ৰূপে কাম কৰে।
বঁটা/পুৰস্কাৰ ইত্যাদি
সম্পাদনা কৰক- ২০১o[1] চনত সূৰ্য্য হাজৰিকা পৰিচালিত 'শ্ৰীমন্ত শঙ্কৰদেৱ' কথাছবিত ৰূপসজ্জা আৰু সাজসজ্জাৰ দায়িত্বত থাকি তেখেতে সাজসজ্জাৰ বাবে অসম চৰকাৰৰ ৰাজ্যিক চলচ্চিত্ৰ বঁটা লাভ কৰে।
- প্ৰাগ চিনে এৱাৰ্ড: ২০১১ চন,[উদ্ধৃতিৰ প্ৰয়োজন] শ্ৰেষ্ঠ ৰূপসজ্জাকাৰৰ বঁটা
- প্ৰাগ চিনে এৱাৰ্ড: ২০১১ চন,[উদ্ধৃতিৰ প্ৰয়োজন] শ্ৰেষ্ঠ সাজসজ্জাৰ বঁটা
- ২০১৪ বৰ্ষৰ বাবে কলা-সংস্কৃতিৰ বিভিন্ন দিশত আগবঢ়োৱা বৰঙনিৰ বাবে অসম চৰৰকাৰৰ একঁকালীন বিত্তীয় সাহায্য।[2]