খীৰা মৰল

খীৰা মৰল(১৬-১৭ শতিকা)ৰ প্ৰকৃত নাম আছিল ক্ষীৰদ সিং চৌধুৰী। বৰপেটাৰ সুন্দৰীদিয়াত তেওঁৰ জন্ম হৈছিল। তেওঁৰ দেউতাক আছিল বিজয় সিংহ। তেওঁ সুন্দৰীদিয়া অঞ্চলৰ মণ্ডল থকা হেতুকে সকলোৱে তেওঁক খীৰা মৰল বুলিয়েই জানিছিল। খীৰা মৰল শ্ৰীমন্ত শংকৰদেৱৰ ওচৰত শৰণ লৈছিল। সুন্দৰীদিয়ালৈ মহাপুৰুষ শ্ৰীশ্ৰী মাধৱদেৱ আহোঁতে তেৱেঁই মহাপুৰুষজনাৰ বাসস্থানৰ ব্যৱস্থা কৰি দিছিল। পিছলৈ সুন্দৰীদিয়া সত্ৰ খীৰা মৰলৰ মাটিতেই স্থাপন কৰা হৈছিল। সুন্দৰীদিয়া সত্ৰৰ ভকতসকলৰ বাবে প্ৰয়োজনীয় চাউল, খৰি আদি তেওঁ নিয়মীয়াকৈ যোগান ধৰিছিল। আতিৰাম বৰুৱা, প্ৰসন্নলাল চৌধুৰী খীৰা মৰলৰ উত্তৰ পুৰুষ।