চিত্ৰলেখা (চলচ্চিত্ৰ)
চিত্ৰলেখা (ইংৰাজী: Chitralekha) ১৯৬৪ চনত মুক্তিপ্ৰাপ্ত এখন হিন্দী ভাষাৰ ভাৰতীয় চলচ্চিত্ৰ। কিদাৰ শৰ্মাৰ দ্বাৰা পৰিচালিত চলচ্চিত্ৰখনৰ মুখ্য চৰিত্ৰত অভিনয় কৰিছে অশোক কুমাৰ, প্ৰদীপ কুমাৰ আৰু মীনা কুমাৰীয়ে। ১৯৩৪ চনত প্ৰকাশিত ভগৱতী চৰণ বৰ্মাৰ একে নামৰ হিন্দী উপন্যাস এখনৰ আধাৰত চলচ্চিত্ৰখন নিৰ্মাণ কৰা হৈছিল।[1] চলচ্চিত্ৰখনৰ সংগীত পৰিচালক আছিল ৰোশন আৰু গীতিকাৰ আছিল চাহিৰ লুধিয়ানৱী। “ছনছাৰ চে ভাগে ফিৰতে হো” আৰু “মন ৰে, তু কাহে না ধীৰ ধৰে” গীতদুটাৰ বাবে চলচ্চিত্ৰখনে অধিক জনপ্ৰিয়তা লাভ কৰিছিল। ২০১০ চনত আউটলুক ইণ্ডিয়া আলোচনীখনে ৩০ গৰাকী প্ৰসিদ্ধ ভাৰতীয় সুৰকাৰ, গীতিকাৰ আৰু কণ্ঠশিল্পীক তেওঁলোকৰ সৰ্বকালৰ প্ৰিয় হিন্দী গীতসমূহৰ নাম সোধা হৈছিল। শীৰ্ষৰ ২০টা গীতৰ এখন তালিকাও প্ৰস্তুত কৰি উলিওৱা হৈছিল য'ত “মন ৰে, তু কাহে ধীৰ ধৰে” গীতটোৱে তালিকাখনৰ শীৰ্ষত স্থান দখল কৰিবলৈ সক্ষম হৈছিল।[2][3]
| চিত্ৰলেখা | |
|---|---|
| পৰিচালক | কিদাৰ শৰ্মা |
| চিত্ৰনাট্য | কিদাৰ শৰ্মা ৰজিন্দাৰ কুমাৰ শৰ্মা |
| ভিত্তি | চিত্ৰলেখা লেখক: ভগৱতী চৰণ বৰ্মা |
| প্ৰযোজক | এ কে নাদিয়াৱালা |
| অভিনয়ত | অশোক কুমাৰ প্ৰদীপ কুমাৰ মীনা কুমাৰী মেহমুদ |
| চিত্ৰগ্ৰহণকাৰী | ডি চি মেহতা |
| সম্পাদনা | প্ৰভাকৰ গোখলে |
| সংগীত পৰিচালক | ৰোশন চাহিৰ লুধিয়ানৱী (গীতৰ কথা) |
মুক্তি |
১৯৬৪ |
| দেশ | ভাৰত |
| ভাষা | হিন্দী |
এই চলচ্চিত্ৰখন ১৯৪১ চনত কিদাৰ শৰ্মাই পৰিচালনা কৰা চিত্ৰলেখাৰ পুনৰ্নিমাণ। ১৯৪১ চনত নিৰ্মাণ কৰা চলচ্চিত্ৰখন বাণিজ্যিকভাৱে সফল হৈছিল যদিও ১৯৬৪ চনত নিৰ্মাণ কৰা চিত্ৰলেখাই বক্স অফিচত ভাল ফলাফল লাভ নকৰিলে।[4][2] উল্লেখযোগ্য যে, এইখনেই মীনা কুমাৰীয়ে অভিনয় কৰা প্ৰথম ৰঙীণ চলচ্চিত্ৰ।
অভিনয় শিল্পী সম্পাদনা কৰক
- মীনা কুমাৰী (চিত্ৰলেখা)
- অশোক কুমাৰ (যোগী কুমাৰগিৰি)
- প্ৰদীপ কুমাৰ (আৰ্য্যপুত্ৰ সামন্ত বীজগুপ্ত)
- মেহমুদ (ব্ৰহ্মচাৰী শ্বেতাংক)
- মিনু মমতাজ (লিগিৰী)
- জেব ৰেহমান (সম্ৰাট চন্দ্ৰগুপ্ত)
- আচলা সচদেৱ (গায়ত্ৰী দেৱী)
- বেলা বসু (দেৱী মহামায়া)
- ছোভা ছামৰ্থ (যশোধৰা)
সংগীত সম্পাদনা কৰক
চলচ্চিত্ৰখনৰ সংগীত পৰিচালনা কৰিছিল ৰোশনে আৰু গীতৰ কথা আছিল চাহিৰ লুধিয়ানৱীৰ।
| নং | শিৰোনাম | কণ্ঠশিল্পী | দৈৰ্ঘ্য | |
|---|---|---|---|---|
| 1. | "এ ৰি, জানে না দুংগী" | লতা মংগেশকাৰ | ||
| 2. | "সখী ৰে, মেৰা মন উলঝে" | লতা মংগেশকাৰ | ||
| 3. | "ছনছাৰ চে ভাগে ফিৰতে হো" | লতা মংগেশকাৰ | ||
| 4. | "কাহে তৰছায়ে জিয়াৰা, য়ৌৱন ৰুট ছাজন আকে না জায়ে" | আশা ভোঁচলে, ঊষা মংগেশকাৰ | ||
| 5. | "চা গয়ে বাদল নীল গগন পৰ, ঘুল গয়া কজৰা" | আশা ভোঁচলে, মহম্মদ ৰফি | ||
| 6. | "মন ৰে, তু কাহে না ধীৰ ধৰে" | মহম্মদ ৰফি | ||
| 7. | "মাৰা গয়া ব্ৰহ্মচাৰী" | মান্না দে |
তথ্যসূত্ৰ সম্পাদনা কৰক
- ↑ Gulzar; Govind Nihalani; Saibal Chatterjee (2003). Encyclopaedia of Hindi cinema. Popular Prakashan. পৃষ্ঠা. 335. ISBN 8179910660. https://books.google.com/books?id=8y8vN9A14nkC&q=Sahib+Bibi+Aur+Golam+Bimal+Mitra+%28novel%29&pg=PT361.
- ↑ 2.0 2.1 "Chitralekha (1964)". The Hindu. 17 June 2011. Archived from the original on 23 June 2011. https://web.archive.org/web/20110623222038/http://www.hindu.com/fr/2011/06/17/stories/2011061750240400.htm.
- ↑ "The melodious music director — Roshan". Daily Times. 18 May 2011. http://www.dailytimes.com.pk/default.asp?page=2011\story_18-5-2011_pg9_15.
- ↑ "Top Earners 1941". Box Office India. Archived from the original on 21 April 2012. https://web.archive.org/web/20120421002538/http://boxofficeindia.com/showProd.php?itemCat=146&catName=MTk1MQ==। আহৰণ কৰা হৈছে: 5 August 2021.
বাহ্যিক সংযোগ সম্পাদনা কৰক
- চিত্ৰলেখা সম্পৰ্কে ইণ্টাৰনেট মুভি ডাটাবেছত থকা তথ্য।