পদ্মনাথ ভট্টাচাৰ্য বিদ্যাবিনোদ
ভাৰতীয় ইতিহাসবিদ
পদ্মনাথ ভট্টাচাৰ্য বিদ্যাবিনোদ (১৮৬৮-১৯৩৮)[1] এজন ভাৰতীয় ইতিহাসবিদ৷ তেওঁৰ জন্ম চিলেটত (এতিয়াৰ বাংলাদেশত)৷ তেওঁ ঘাইকৈ প্ৰাচীন কামৰূপৰ বিষয়ে গৱেষণা কৰিছিল৷ তেওঁ অসমৰ এজন আগশাৰীৰ সংস্কৃত পণ্ডিত হোৱাৰ লগতে কামৰূপ অনুসন্ধান সমিতিৰ অন্যতম প্ৰতিষ্ঠাপক সদস্য আছিল৷ তেওঁ কটন কলেজত অধ্যাপনা কৰিছিল৷ তেওঁৰ উল্লেখযোগ্য কৰ্মৰাজিসমূহ হ’ল কামৰূপ শাসনাৱলী,[2] ৰামকৃষ্ণ-বিবেকানন্দ প্ৰসংগ, Mr. Gait's History of Assam: A Critical Study, আৰু ভাৰতীয় পুৰাতত্ব বিভাগৰ জাৰ্ণাল Epigraphia Indica দ্বাদশ খণ্ডত গৱেষণাপত্ৰ৷[3] গেইটে লিপিবদ্ধ কৰা অসমৰ ঐতিহাসিক ঘটনাৱলী আৰু সেইবোৰৰ অৰ্থ সম্পৰ্কে বিদ্যাবিনোদ অসন্তুষ্ট আছিল আৰু তীব্ৰ সমালোচনা কৰিছিল।[1] তেওঁ নিয়মীয়াকৈ কামৰূপৰ শিলালিপি আৰু ফলিসমূহৰ আৱিষ্কাৰ আৰু পাঠোদ্ধাৰৰ কামত অংশ লৈছিল৷
| পণ্ডিত পদ্মনাথ ভট্টাচাৰ্য বিদ্যাবিনোদ | |
|---|---|
| জন্ম | পদ্মনাথ ভট্টাচাৰ্য জানুৱাৰী, ১৮৬৮ চিলেট |
| মৃত্যু | ১৯৩৮ (বয়স ৬৯–৭০) |
| ছদ্মনাম | বিদ্যাবিনোদ |
| পেচা | ইতিহাসবিদ |
| বিষয় | প্ৰাচীন ইতিহাস |
| উল্লেখনীয় কৰ্মৰাজি | কামৰূপ শাসনাৱলী, Mr. Gait's History of Assam: A Critical Study |