ফাৰাহ খান
ফাৰাহ কুন্দৰ (ইংৰাজী: Farah Kunder; জন্ম: ৯ জানুৱাৰী, ১৯৬৫),[1] অথবা ফাৰাহ খান হৈছে এগৰাকী ভাৰতীয় ছবি নিৰ্মাতা, ছবি প্ৰযোজক, অভিনেত্ৰী, নৃত্যশিল্পী, আৰু নৃত্য-পৰিচালক। বলিউডৰ অনেক ছবিত নৃত্য-পৰিচালনা কৰি খ্যাতিৰ আসনত অধিষ্ঠিত হোৱা ফাৰাহ খানে ৮০খনতকৈও অধিক হিন্দী ছবিত শতাধিক গীতৰ নৃত্য পৰিচালনা কৰিছে। তেখেতে এতিয়ালৈকে ছটাকৈ ফিল্মফেয়াৰ, আৰু এটা ৰাষ্ট্ৰীয় চলচ্চিত্ৰ বঁটাৰে সন্মানীত হৈছে। ইয়াৰ উপৰি তামিল ভাষাৰ ছবিতো কাম কৰিছে। মেৰিগোল্ড, মনছুন ৱেডিং ৰ দৰে আন্তঃৰ্জাতিক পৰ্যায়ৰ ছবিতো তেখেতে বৰঙণি আগবঢ়াইছে। চীনা ছবি পাৰহেপছ লাভ, কুং ফু য়োগাৰ লগতো ফাৰাহ খান জড়িত হৈছিল। তেখেতে তাৰ বাবে টনি বঁটা আৰু গল্ডেন হৰ্ছ বঁটাৰ মনোনয়ন লাভ কৰিবলৈ সক্ষম হৈছে। ২০০৪ চনত মুক্তিপ্ৰাপ্ত ছবি মে হুঁ নাৰ বাবে তেখেতে ফিল্মফেয়াৰৰ পৰা শ্ৰেষ্ঠ পৰিচালকৰ শিতানত মনোনয়ন লাভ কৰিবলৈ সক্ষম হয়। ২০০৭ চনত মুক্তি লাভ কৰা হিন্দী ছবি ওম শান্তি ওম হৈছে তেখেতৰ দ্বাৰা নিৰ্দেশিত দ্বিতীয়খন ছবি।
| ফাৰাহ খান | |
|---|---|
 ২০১৫ চনত ফাৰাহ খান | |
| জন্ম | ৯ জানুৱাৰী, ১৯৬৫ (৫৯ বছৰ) বোম্বাই, মহাৰাষ্ট্ৰ, ভাৰত |
| পেচা |
|
| সক্ৰিয় হৈ থকা সময় | ১৯৯২-বৰ্তমান |
| দাম্পত্যসঙ্গী | শিৰীষ কুন্দৰ, ২০০৪ |
| সন্তান | ২ |
| আত্মীয়-স্বজন | ছাজিদ খান (ভ্ৰাতৃ) |
| বঁটা, সন্মান, পুৰস্কাৰ আদি |
|
প্ৰাৰম্ভিক জীৱন আৰু শিক্ষা
সম্পাদনা কৰক১৯৬৫ চনৰ ৯ জানুৱাৰীত ফাৰাহ খানৰ জন্ম হয়। ফাৰাহৰ পিতৃ আছিল কামৰাণ খান। তেখেতে নিজৰ জীৱন আৰম্ভ কৰিছিল ষ্টাণ্টমেণ্ট হিচাপে আৰু পাছলৈ ছবি-নিৰ্মাতা হিচাপে দায়িত্ব পালন কৰিছিল। আনহাতে ফাৰাহৰ মাতৃ আছিল মেনকা ইৰাণী, পূৰ্বত শিশুশিল্পী হানী ইৰানী আৰু ডেইজী ইৰাণীৰ ভগ্নী।[2] ফাৰাহৰ ভ্ৰাতৃ ছাজিদ খান হৈছে এজন ছবি পৰিচালক, কমেডিয়ান আৰু অভিনেতা।
ফাৰাহ খানে শিৰিষ কুন্দৰৰ লগত বৈবাহিক জীৱনৰ পাতনি মেলে। কুন্দৰ আছিল মে হুঁ না ছবিখনৰ সম্পাদক।[3] ২০০৪ চনৰ ৯ নৱেম্বৰত তেওঁলোক বৈবাহিক-বান্ধোনত আবদ্ধ হয়। পৰৱৰ্তী সময়ত দুয়োয়ে জানে-এ-মন, ওম শান্তি ওম, টিশ মাৰ খানত একেলগে কাম কৰিছে। ২০০৮ চনত দম্পতীটোৱে In vitro fertilizationৰ জৰিয়তে তিনিটি সন্তান লাভ কৰে। তাৰে এজন পুত্ৰ আৰু দুগৰাকী কন্যা।[4]
কৰ্মজীৱন
সম্পাদনা কৰকফাৰাহ খানে মুম্বাইৰ ছেইণ্ট জেভিয়াৰ্ছ কলেজত সমাজবিজ্ঞান অধ্যয়ন কৰি আছিল। সেই সময়তে মাইকেল জেকছনৰ থ্ৰিলাৰ সম্প্ৰচাৰিত হৈছিল। অনুষ্ঠানটোৱে ফাৰাহক ইমান গভীৰভাৱে প্ৰভাৱান্বিত কৰিলে যে, পূৰ্বতে নৃত্য নকৰা ফাৰাহে নৃত্যক এটা বৃত্তি হিচাপে গ্ৰহণ কৰিলে। প্ৰথমাৱস্থাত নিজাববীয়াকৈ নৃত্য কৰা ফাৰাহে পাছলৈ এটা নৃত্য-গোট গঢ়ি তুলিলে।[5] যেতিয়া বিখ্যাত কৰিঅ'গ্ৰাফাৰ সৰোজ খান হিন্দী ছবি জো জিতা ৱহী ছিকন্দৰ ত্যাগ কৰিলে, তেতিয়া ফাৰাহে তেওঁৰ পদটো পূৰ কৰিলে। ইয়াৰ পিছত তেখেতে আৰু উভতি চালবগীয়া হোৱা নাই। কভি খুশী কভী গমৰ দৃশ্যগ্ৰহণস্থলীত ফাৰাহে শ্বাহৰুখ খানক লগ পায় আৰু তেওঁলোক দুয়ো ভাল বন্ধু হৈ পৰে। পাছলৈ তেওঁলোকে মিলি অনেক ছবিত কাম কৰে।
কৰিঅ'গ্ৰাফীৰ বাবে ফাৰাহ খানে এতিয়ালৈকে ছবাৰ ফিল্মফেয়াৰ লাভ কৰিবলৈ সক্ষম হৈছে। ইয়াৰ পিছত তেখেতে মেই হুঁ না ছবিখন পৰিচালনা কৰে। ছবিখনত শ্বাহৰুখ খানে মুখ্য ভূমিকাত অভিনয় কৰে। তেখেতে পৰিচালনা কৰা দ্বিতীয়খন ছবি হৈছে ওম শান্তি ওম। এইখন ছবিত দীপিকা পাডুকনে কেন্দ্ৰীয় চৰিত্ৰত অভিনয় কৰিছে। মুক্তিৰ পাছতেই সৰ্বাধিক উপাৰ্জনকাৰী হিচাপে পৰিগণিত হোৱা হিন্দী ছবিৰ তালিকাত এইখন ছবি স্থানাভুক্ত হয়।[6] তেখেতৰ তৃতীয়খন পৰিচালনা আছিল টিশ মাৰ খান। ২০১২ চনত ফাৰাহে শিৰীন ফাৰহাদ কিটো নিকল পৰীত অভিনেত্ৰী হিচাপে অভিষেক কৰে।
২০০৬ চনৰ ৩১ আগষ্টত এমটিভি মিউজিক এৱাৰ্ডছ অনুষ্ঠানত কলম্বিয়ান পপগায়িকা শ্বাকিৰাই পৰিৱেশন কৰিবলৈ ওলোৱা হিপছ্ ডণ্ট লায় গীতটোৰ বলিউদী সংস্কৰণত ফাৰাহে নৃত্য পৰিচালনা কৰে।[7]
ফাৰাহ খান আৰু তেখেতৰ স্বামী শিৰিষে মিলি "থ্ৰিছ কোম্পানী" নামৰ প্ৰযোজনা গোষ্ঠী এটা আৰম্ভ কৰে। প্ৰযোজনা গোষ্ঠীটোৰ নামটো তেওঁলোকৰ সন্তানলৈ উছৰ্গিত।[8]
তথ্যসূত্ৰ
সম্পাদনা কৰক- ↑ Thomas, Anjali (7 October 2007). "Farah Khan latest chant is 'Mom Shanti MOM'". DNA. http://www.dnaindia.com/lifestyle/inner-spaces_farah-khan-latest-chant-is-mom-shanti-mom_1125923.
- ↑ "Sajid Khan | Directors | Koimoi". koimoi.com. 28 April 2016. http://www.koimoi.com/director/sajid-khan/। আহৰণ কৰা হৈছে: 30 April 2016.
- ↑ Kulkarni, Ronjita (12 August 2004). "Meet the man Farah Khan will marry". Rediff.com. http://www.rediff.com/movies/2004/aug/12spec.htm। আহৰণ কৰা হৈছে: 17 November 2008.
- ↑ "'Glad I became mom through IVF at 43': Farah Khan pens heartfelt open letter". DNA India. 24 November 2020. https://www.dnaindia.com/bollywood/news-glad-i-became-ivf-mom-at-43-farah-khan-pens-heartfelt-open-letter-2858164। আহৰণ কৰা হৈছে: 24 November 2020.
- ↑ "Tête à tête". The Telegraph (Calcutta, India). 7 October 2007. http://www.telegraphindia.com/1071007/asp/7days/story_8405201.asp.
- ↑ Ben Fenton (26 June 2008). "Om Shanti Om rakes in $45m worldwide". Financial Times. http://www.ft.com/cms/s/0/c5fa4bd6-4319-11dd-81d0-0000779fd2ac,dwp_uuid=a6dfcf08-9c79-11da-8762-0000779e2340.html। আহৰণ কৰা হৈছে: 17 November 2008.
- ↑ Jha, Subhash K. (1 September 2006). "Farah Khan bonds big time with Shakira". bollywood hungama. http://www.bollywoodhungama.com/news/2006/09/01/7737/index.html। আহৰণ কৰা হৈছে: 17 November 2008.
- ↑ Mariam Thomas, Sonia (26 October 2015). "Women Of Worth 2015 Grit And Glory". www.outlookbusiness.com. Archived from the original on 13 March 2018. https://web.archive.org/web/20180313214401/https://www.outlookbusiness.com/specials/women-of-worth_2015/grit-and-glory-2037। আহৰণ কৰা হৈছে: 16 March 2021.
বাহ্যিক সংযোগ
সম্পাদনা কৰক| ৱিকিমিডিয়া কমন্সত ফাৰাহ খান সম্পৰ্কীয় মিডিয়া ফাইল আছে। |
- এক্সত ফাৰাহ খান
- ফাৰাহ খান সম্পৰ্কে ইণ্টাৰনেট মুভি ডাটাবেছত থকা তথ্য।