সিংহ
সিংহ (ইংৰাজী: Lion; Panthera leo), পেন্থেৰা লিঅ' হৈছে পেন্থেৰা গণৰ অন্তৰ্গত এবিধ স্তন্যপায়ী প্ৰাণী। ইহঁত ফেলেডি পৰিয়ালৰ পাঁচ প্ৰকাৰৰ বৃহৎ মেকুৰীজাতীয় প্ৰাণীৰ অন্যতম। আফ্ৰিকীয় সিংহ বুলিলে আফ্ৰিকাৰ অৰণ্যত পোৱা কেইবা প্ৰকাৰৰ উপ-প্ৰজাতিক বুজায়। এটা পূৰ্ণবয়স্ক মতা সিংহৰ ওজন প্ৰায় ২৫০ কিলোগ্ৰাম (৫৫০ পাউণ্ড) পৰ্যন্ত হ'ব পাৰে,[1] ই বাঘৰ পিছতেই জীৱিত মেকুৰীজাতীয় প্ৰাণীৰ ভিতৰত দ্বিতীয় বৃহত্তম প্ৰাণী। বৰ্তমান আফ্ৰিকাৰ উপ-চাহাৰা অঞ্চল আৰু এচিয়াত (বিলুপ্ত প্ৰায় অৱস্থাত ভাৰতৰ গিৰ ৰাষ্ট্ৰীয় উদ্যানত) বন্য সিংহ পোৱা যায়, বাকী উত্তৰ আফ্ৰিকা আৰু দক্ষিণ পশ্চিম এচিয়াৰ সিংহবোৰ ঐতিহাসিক সময়তেই বিলুপ্ত হৈ গ’ল বুলি কোৱা হয়। প্ৰায় ১০ হেজাৰ বছৰ আগৰ প্লেষ্ট'চিন যুগলৈকে সিংহবোৰ মানুহৰ পাছতেই আটাইতকৈ বেচি বিস্তাৰিত ব়হৎ স্তন্যপায়ী স্থলচৰ প্ৰাণী। ইহঁতক আফ্ৰিকাৰ অধিকাংশ অঞ্চল, পশ্চিম ইউৰোপৰ পৰা ভাৰতলৈকে ইউৰেচিয়া আৰু ইউকোনৰ পৰা পেৰু পৰ্যন্ত আমেৰিকাত দেখা পোৱা যায়। সিংহ একপ্ৰকাৰৰ বিপন্ন প্ৰাণী।
| সিংহ জীৱাশ্ম কাল: early Pleistocene–Recent | |
|---|---|
| |
| মতা সিংহ | |
| |
| মাইকী সিংহ (সিংহিনী) | |
| সংৰক্ষণ স্থিতি | |
| জীৱবৈজ্ঞানিক শ্ৰেণীবিভাজন | |
| ৰাজ্য: | Animalia |
| পৰ্ব: | Chordata |
| শ্ৰেণী: | Mammalia |
| বৰ্গ: | Carnivora |
| পৰিয়াল: | Felidae |
| উপপৰিয়াল: | Pantherinae |
| গণ: | Panthera |
| প্ৰজাতি: | P. leo |
| বৈজ্ঞানিক নাম | |
| Panthera leo (লিনিয়াছ, ১৭৫৮) | |
| উপ-প্ৰজাতি | |
|
Panthera leoৰ উপ-প্ৰজাতিসমূহ
P. l. azandica P. l. bleyenberghi P. l. hollisteri P. l. kamptzi P. l. krugeri P. l. leo P. l. maculatus P. l. nubica P. l. persica P. l. senegalensis P. l. verneyi P. l. nyanzae P. l. roosevelti P. l. somaliensis †P. l. atrox †P. l. europaea †P. l. melanochaita †P. l. sinhaleyus †P. l. spelaea †P. l. vereshchagini | |
| |
| |
| ভাৰতত সিংহৰ বিস্তৃতি: The Gir Forest, in Gujarat, is the last natural range of more than 500 wild Asiatic lions. There are plans to reintroduce some lions to Kuno Wildlife Sanctuary in neighbouring Madhya Pradesh. | |
| সমাৰ্থক | |
|
লিনিয়াছ, ১৭৫৮ | |
অৰণ্যত, মতা সিংহ কেতিয়াবা ১০ৰ পৰা ১৪ বছৰ পৰ্যন্ত জীৱাই থাকে, প্ৰভূত্ব বিস্তাৰৰ বাবে ইহঁতৰ নিজৰ মাজতে হোৱা দন্দবোৰত পোৱা আঘাতে ইহঁতৰ জীৱনকাল হ্ৰাস কৰে।[2] অন্যথা ইহঁত ২০ বছৰ পৰ্যন্ত জীৱাই থাকিব পাৰে। সিংহবোৰ সাধাৰণতে ছাভানা আৰু তৃণভূমিত বাস কৰে, যদিও ইহঁতক জোপোহা আৰু অনণ্য অঞ্চলতো পোৱা যায়। অন্য মেকুৰীজাতীয় জন্তুৰ তুলনাত সিংহবোৰ যথেষ্ট সামাজিক। সিংহৰ এটা জুমত সম্বন্ধীয় মাইকী, সিহঁতৰ সন্তান আৰু কেইটামান মতা সিংহ থাকে। মাইকী সিংহবোৰে লগলাগি, ডাঙৰ আকাৰৰ খুৰাষুক্ত স্তন্যপায়ীৰ চিকাৰ কৰে। সিংহবোৰ শীৰ্খস্থানৰ উপভোক্তা, যদিও ইহঁতক অপমাৰ্জক বুলিবও পাৰি। সাধাৰণতে সিংহই মানুহৰ চিকাৰ নকৰে, কিন্তু কেতিয়াবা কিছুমানে কৰে। ইহঁতে প্ৰধানকৈ দিনৰ ভাগত শুৱে, প্ৰাথমিকভাৱে ৰাতি সক্ৰিয় হয় (নিশাচৰ) আৰু কেতিয়াবা সন্ধাও চিকাৰ কৰে।[3][4]
সিংহৰ উচ্চস্তৰৰ লিংগীয় বৈষমতা আছে, কেশৰৰ দ্বাৰা মতাবোৰক সহজে চিনাক্ত কৰিব পাৰি। মানৱ সংস্কৃতিত সিংহৰ মুখাবয়বৰ ছবিৰ বহুল ব্যৱহাৰ কৰা হয়, ভাস্কৰ্য, চিত্ৰকলা, ৰাষ্ট্ৰীয় পতাকা আৰু চলচিত্ৰ তথা সাহিত্য ক্ষেত্ৰতো ব্যৱহৃত হয়।
তথ্য সংগ্ৰহ
সম্পাদনা কৰক- ↑ Nowak, Ronald M. (1999). Walker's Mammals of the World. প্ৰকাশক Baltimore: Johns Hopkins University Press. ISBN 0-8018-5789-9.
- ↑ Smuts, G. L. (1982). Lion. প্ৰকাশক Johannesburg: Macmillan South Africa. পৃষ্ঠা. 231. ISBN 0-86954-122-6.
- ↑ Lions' nocturnal chorus. Earth-touch.com. Retrieved on 31 July 2013.
- ↑ African Lion Panthera leo. Phoenix Zoo Fact Sheet.