স্মৃতিৰ পৰশ (চলচ্চিত্ৰ)

স্ম়তিৰ পৰশ (ইংৰাজী: Smritir Parash) ১৯৫৬ত মুক্তি পোৱা এখন অসমীয়া বোলছবি।বৰুৱা আৰ্ট প্ৰডাকচনৰ বেনাৰত ছবিথন প্ৰযোজনা কৰে গৌৰী শংকৰ হিম্মৎসিংকাই আৰু পৰিচালনা কৰে নিপ বৰুৱাই। নিপ বৰুৱা পৰিচালিত এইখন প্ৰথম ছবি। এইখন ছবিতে প্ৰথমবাৰৰ বাবে হিন্দীগীত আৰু সম্পূৰ্ণ বিহুগীত আৰু নাচ সংযোজন কৰা হৈছিল।

স্মৃতিৰ পৰশ Smritir Parash
স্মৃতিৰ পৰশ ছবিৰ পোষ্টাৰ
পৰিচালক	নিপ বৰুৱা
চিত্ৰনাট্য	নিপ বৰুৱা
কাহিনী	নিপ বৰুৱা
প্ৰযোজক	গৌৰী শংকৰ হিম্মৎসিংকা
অভিনয়ত	ব্ৰজেন বৰুৱা নিভা বৰুৱা
চিত্ৰগ্ৰহণকাৰী	নলিন দুৱৰা
সম্পাদনা	ৰমেশ যোশী
দেশ	ভাৰত
ভাষা	অসমীয়া

অভিনয় শিল্পী

• ব্ৰজেন বৰুৱা
• নিভা বৰুৱা (কমলী)
• বিমলা বৰুৱা (শিক্ষয়ত্ৰী)
• তুলসী গোবিন্দ বৰুৱা (অৰূপ)
• নিপ বৰুৱা
• দুৰ্গেশ্বৰ বৰঠাকুৰ,
• ৰম্ভা বৰুৱা
• ননী কাকতি
• ভৱানীপ্ৰসাদ বৰুৱা
• যদু বৰা
• গিৰিণ বৰুৱা

গীত

ছবিখনৰ সঙ্গীত পৰিচালনা কৰিছিল ব্ৰজেন বৰুৱাই। সঙ্গীত পৰিচালক ৰুপে এয়া ব্ৰজেন বৰুৱাৰ প্ৰথম ছবি। গীত আছিল সাতটা; ইয়াৰে দুটা হিন্দী গীত। এয়াই আছিল অসমীয়া ছবিত প্ৰথম হিন্দী গীতৰ সংযোজন। সেই সময়ৰ হিন্দীগীতৰ জনপ্ৰিয়তা দেখি ব্যৱসায়িক দৃষ্টিভঙ্গীৰে সঙ্গীত পৰিচালক ব্ৰজেন বৰুৱাই এনে ছবিখনত হিন্দীগীতৰ সংযোজন কৰিব পাৰে। ছবিখনৰ বহুকেইটা গীত তেতিয়া অতি জনপ্ৰিয় হৈছিল। অসমীয়া ছবিত প্ৰথমবাৰৰ বাবে বিহুনাচ দেখুওৱা হৈছিল ৰুণুমী ছবিত; কিন্তু এই নাচ দেখুওৱা হৈছিল অতি কম সময়ৰ বাবে। 'স্মৃতিৰ পৰশ'ত প্ৰথমবাৰৰ বাবে সম্পূৰ্ণ এটা বিহুগীত আৰু নাচ সংযোজন কৰা হৈছিল।

গীতৰ শীৰ্ষ
নং	শিৰোনাম	গীতিকাৰ	কন্ঠশিল্পী	দৈৰ্ঘ্য
1.	"টুনটুন কণমান আহা- সোণকণ পোনাকণ আহা"	কেশৱ মহন্ত	ৰমেন বৰুৱা, ননী কাকতি বিভা বৰুৱা, গিৰিণ বৰুৱা
2.	"আই আমাৰ কপালতে ৰঙা সেন্দুৰৰে তিলক আঁকি দিয়া"	কেশৱ মহন্ত	ৰমেন বৰুৱা, ননী কাকতি
3.	"অজান বেথাৰ লাগি শিহৰণ ঘনে ঘনে কঁপে হিয়া"	কেশৱ মহন্ত	ৰমেন বৰুৱা
4.	"অ' মোৰে দেহীটি ঐ, অ' মোৰে চেনাইটি ঐ (বিহু)"	কেশৱ মহন্ত	ৰমেন বৰুৱা, গুণদা কাকতি, ননী কাকতি বিভা বৰুৱা, গিৰিণ বৰুৱা
5.	"তিৰিবিৰি কৰি থাকা তুমি, যেন মুকুতাৰে মণি"	দ্বিবন বৰুৱা	ব্ৰজেন বৰুৱা
6.	"হেই চলক পৰে চান্দনী, ইক বহক পৰে ৰাগনী (হিন্দী)"	বীৰেণ দত্ত	শ্যামল মিত্ৰ
7.	"কিসী কি য়াদ মেঁ যাতি, চলী য়হ জিন্দেগী অপনী (হিন্দী)"	এম গৌতম	আল্পনা বন্দোপধ্যায়