৯৯%ৰ নাৰীবাদ
৯৯% নাৰীবাদ (ইংৰাজী: Feminism of the 99%) হৈছে সমসাময়িক, তৃণমূল পৰ্যায়ৰ, উগ্ৰ নাৰীবাদী আন্দোলন, যিয়ে আন্তঃবিভাজনতাক স্বীকৃতি দিয়ে আৰু অন্যান্য নাৰীবাদী আন্দোলনে উপেক্ষা কৰা মহিলাকে ধৰি সকলো মহিলা আৰু তেওঁলোকৰ সক্ৰিয়তাৰ পোষকতা কৰে।[1]২০১৭ চনৰ ফেব্ৰুৱাৰী মাহত ভিউপইণ্ট মেগাজিনত প্ৰকাশিত এক আবেদনত আমেৰিকাৰ বিশিষ্ট নাৰীবাদীৰ এটা দলে ইয়াক প্ৰস্তাৱ কৰিছিল আৰু জানুৱাৰী মাহত ২০১৭ চনৰ মহিলা মাৰ্চত দেখা মহিলাসকলৰ সংগঠনৰ আধাৰত ই নিৰ্মিত হৈছিল। এই আবেদনখনে একেসময়তে ২০১৭ চনৰ ৮ মাৰ্চত আন্তঃৰাষ্ট্ৰীয় নাৰী ধৰ্মঘটৰ আহ্বান জনাইছিল। ই উগ্ৰ নাৰীবাদ, মাৰ্ক্সবাদী নাৰীবাদ, কৃষ্ণাংগ নাৰীবাদ আৰু আন্তঃৰাষ্ট্ৰীয়/বি-ঔপনিৱেশিক নাৰীবাদৰ দৰে নাৰীবাদী আন্দোলনৰ সঞ্চিত বৌদ্ধিক উত্তৰাধিকাৰৰ উত্তৰাধিকাৰী, আৰু লিংগ অত্যাচাৰৰ কাৰণ নহয় বুলি দৃঢ়তাৰে কয়৷ কৃষ্ণাংগ নাৰীবাদ যৌনতাবাদ, শ্ৰেণী অত্যাচাৰ, লিংগ পৰিচয় আৰু বৰ্ণবাদৰ লগত একেলগে সংযুক্ত হৈ থকা এটা চিন্তাধাৰা।[2][3][4]
পৃষ্ঠভূমি সম্পাদনা কৰক
৯৯%ৰ নাৰীবাদৰ দাবীটো ২০১৭ চনৰ ৩০ ফেব্ৰুৱাৰীত ভিউপইণ্ট মেগাজিনত প্ৰকাশ পাইছিল। ২০১৭ চনৰ মহিলা মাৰ্চত দৃষ্টিগোচৰ হোৱা মহিলাৰ গণ সংগঠনৰ প্ৰতি সঁহাৰি আছিল এই দাবীৰ ভিত্তি৷ এই দাবী ২০১৭ চনৰ ২১ জানুৱাৰীত ড’নাল্ড ট্ৰাম্পক আমেৰিকাৰ ৰাষ্ট্ৰপতি হিচাপে কাৰ্যভাৰ গ্ৰহণ কৰাৰ প্ৰতিবাদ আৰু মহিলাৰ অধিকাৰ, মানৱ অধিকাৰ আৰু নীতি সংস্কাৰৰ পোষকতা কৰা বিশ্বব্যাপী প্ৰতিবাদ আছিল। লেখকসকলে আৰ্জেণ্টিনাৰ আন্দোলন নি উনা মেনোছক তেওঁলোকৰ প্ৰেৰণা হিচাপে উল্লেখ কৰিছে, কিয়নো ইও চতুৰ্থ ঢৌৰ তৃণমূল পৰ্যায়ৰ আন্দোলন যিয়ে আন্তঃবিভাজনমূলক সমস্যাসমূহৰ সমাধানৰ লক্ষ্য ৰাখে। মহিলা আন্দোলনৰ গতিবেগ বঢ়োৱাৰ লক্ষ্যৰে লেখকসকলে lean-in feminismৰ দৰে সমসাময়িক নাৰীবাদী আন্দোলনৰ ব্যৰ্থতা বুলি তেওঁলোকে দেখা কথাবোৰৰ প্ৰতি দৃষ্টি আকৰ্ষণ কৰে৷ তেওঁলোকে যুক্তি আগবঢ়ায় যে ই “ব্যক্তিগত আত্ম-উন্নতি আৰু উন্নতিৰ সুবিধা নথকা আৰু যিসকলৰ জীৱনৰ অৱস্থাৰ উন্নতি সাধন কৰিব পৰা যায় কেৱল সামাজিক প্ৰজনন ৰক্ষা কৰা, প্ৰজনন ন্যায় সুৰক্ষিত কৰা আৰু শ্ৰমিকৰ অধিকাৰ নিশ্চিত কৰা নীতিৰ জৰিয়তেহে” “অতিশয় সংখ্যাগৰিষ্ঠ” মহিলাক ব্যৰ্থ কৰিছে ”। তেওঁলোকে আৰু কয় যে কৰ্পৰেট বিশ্বায়ন আৰু পুঁজিবাদী ব্যৱস্থাৰ বাবে বিশেষকৈ ৰঙৰ, শ্ৰমিক শ্ৰেণীৰ, প্ৰব্ৰজিত পটভূমিৰ বা যিসকল নিবনুৱা, তেওঁলোকৰ জীৱনৰ অৱস্থা যোৱা ৩০ বছৰত অৱনতি ঘটিছে।
মূল সমালোচনা আৰু দাবী সম্পাদনা কৰক
৯৯% নাৰীবাদে অন্যান্য সমসাময়িক নাৰীবাদী আন্দোলন, যেনে: lean-in feminism আৰু কৰ্পৰেট নাৰীবাদক সমালোচনা কৰে৷ তেওঁলোকৰ মতে, এনে নাৰীবাদে কেৱল বিশেষ সুবিধাপ্ৰাপ্ত শীৰ্ষ ১% মহিলাৰ প্ৰতিহে সেৱা আগবঢ়াইছে। ইয়াত সম্পৃক্ত হৈ থকা যুক্তিটো হৈছে: মহিলাসকলে যেতিয়ালৈকে পিতৃতন্ত্ৰৰ সুবিধাৰ বাবে কাম কৰে তেতিয়ালৈকে তেওঁলোকে নিজৰ কেৰিয়াৰত সফল হ’ব পাৰে৷ আৰু এই মহিলাসকলে এনে সম্পদ আৰু সুযোগৰ সুবিধা লাভ কৰাৰ ওপৰত নিৰ্ভৰশীল যিবোৰ বেছিভাগ মহিলাই লাভ কৰিব নোৱাৰে। আবেদনখনৰ লেখকসকলে বহুতৰে প্ৰয়োজনীয়তা পূৰণ কৰা নাৰীবাদী আন্দোলনৰ প্ৰয়োজনীয়তাক স্বীকাৰ কৰিছে, আৰু নব্য উদাৰবাদী নাৰীবাদৰ দ্বাৰা উপেক্ষা কৰা মহিলাসকলৰ প্ৰতি দৃষ্টি আকৰ্ষণ কৰিছে। কিন্তু তেওঁলোকে আন্দোলনক কেৱল লিংগ বিষয়ৰ ঊৰ্ধত চাবলৈ আহ্বান জনাইছে৷ তেওঁলোকে কেইবাটাও মূল বিষয় আৰু আন্দোলনক সমালোচনা কৰিছে, যাৰ ভিতৰত আছে: বৰ্ণবাদী লিংগ হিংসা, নব্য উদাৰতাবাদৰ ব্যৰ্থতা, শ্ৰমিকৰ অধিকাৰৰ ওপৰত আক্ৰমণ আৰু শ্ৰমৰ অৱমূল্যায়ন; প্ৰজননজনিত অন্যায়; সমকামিতাক ঘৃণা; ট্ৰেন্সফ'বিয়া; আৰু বিদেশী ঘৃণা। এই আন্দোলনৰ লক্ষ্য হৈছে এক বিস্তাৰিত কৰ্মসূচীৰে নতুন আন্তঃৰাষ্ট্ৰীয় নাৰীবাদী আন্দোলনলৈ অৰিহণা যুগোৱা যি একেলগে বৰ্ণবাদ বিৰোধী, সাম্ৰাজ্যবাদ বিৰোধী, বিষমলিংগ বিৰোধী, আৰু নব্য উদাৰতা বিৰোধী”।[1]
তথ্যসূত্ৰ সম্পাদনা কৰক
- ↑ 1.0 1.1 "Beyond Lean-In: For a Feminism of the 99% and a Militant International Strike on March 8 - Viewpoint Magazine" (en-US ভাষাত). Viewpoint Magazine. 3 February 2017. https://www.viewpointmag.com/2017/02/03/beyond-lean-in-for-a-feminism-of-the-99-and-a-militant-international-strike-on-march-8/.
- ↑ Davis, Angela Y. (1981). Women, race, & class (First সম্পাদনা). প্ৰকাশক New York. ISBN 978-0394510392. OCLC 7459645.
- ↑ Hooks, Bell (2015). Feminism is for everybody : passionate politics (Second সম্পাদনা). প্ৰকাশক New York. ISBN 9781138821590. OCLC 887450667.
- ↑ "Defining Black Feminist Thought - The Feminist eZine". www.feministezine.com. http://www.feministezine.com/feminist/modern/Defining-Black-Feminist-Thought.html। আহৰণ কৰা হৈছে: 24 October 2018.