আলং
আলং বা আল' (Aalo) উত্তৰ-পূব ভাৰতৰ অৰুণাচল প্ৰদেশ ৰাজ্যৰ এখন সৰু নগৰ। এই নগৰ পশ্চিম ছিয়াং জিলাৰ সদৰ ঠাই। আলং নগৰখন অসম আৰু অৰুণাচল সীমান্তৰ লিকাবালিৰ পৰা ২২০ কিলোমিটাৰ দূৰত্বত অৱস্থিত। নগৰখনৰ অধিকাংশ লোক গালো জনজাতিৰ।
| আলং | |
| — নগৰ — | |
| স্থানাঙ্ক | 28°10′N 94°46′E / 28.17°N 94.77°E |
| দেশ |  ভাৰত
|
| ৰাজ্য | অৰুণাচল প্ৰদেশ |
| জিলা | পশ্চিম ছিয়াং |
| প্ৰতিষ্ঠা | ১৯৪৮ |
| জনসংখ্যা | 20,680[1] (2011[update]) |
| চৰকাৰী ভাষা | ইংৰাজী |
|---|---|
| সময় অঞ্চল | ভা.মা.স. (গ্ৰী.মা.স.+০৫:৩০) |
| মাটিকালি • উচ্চতা |
• 619 m (2,031 ft) |
| জলবায়ু উষ্ণতা |
Cfa (Köppen) • ২৪.৭°ছে (৭৬.৪৬°ফা) |
জনসংখ্যা
সম্পাদনা কৰক২০০১ চনৰ লোকপিয়ল অনুসৰি আলঙৰ জনসংখ্যা ১৬,৮৩৪ জন।[2] ইয়াৰে ৫৬% পুৰুষ আৰু ৪৪% মহিলা। আলঙৰ সাক্ষৰতাৰ হাৰ ৬৯%। ইয়াৰে ৭৫% পুৰুষ আৰু ৬১% মহিলা। আলঙৰ প্ৰতি ১০০০ গৰাকী পুৰুষৰ বিপৰীতে মহিলাৰ সংখ্যা ৯১৬ গৰাকী। নগৰখনৰ জনসংখ্যাৰ ১৫% ছবছৰৰ অনুৰ্দ্ধৰ।
আলঙৰ সংখ্যাগৰিষ্ঠ লোক গালো জনজাতিৰ। ইয়াত ব্যৱহৃত মূল ভাষা হৈছে গালো ভাষা (Galo)। নগৰখনৰ অধিকাংশ লোক দ'নী প'ল'ৰ অনুগামী আৰু বাকী লোকসকল খ্ৰীষ্টান, তিব্বতীয় বৌদ্ধ, হিন্দু আৰু ইছলাম ধৰ্মাৱলম্বী।
যাতায়ত
সম্পাদনা কৰকঅসমৰ উত্তৰ লখিমপুৰ নগৰৰ পৰা ইটানগৰ সংযোগী পথটোৱে আলং নগৰখনকো সংযোগ কৰিছে। আলঙৰ পৰা ইটানগৰলৈ নিয়মীয়া বাছ সেৱা আছে। অৰুণাচলৰ পাছিঘাটৰ পৰা আলঙলৈ দুৰত্ব ১০৬ কিমি আৰু ময়িং (Moying) লৈ ১৫০ কিমি।
আলঙৰ নিকটতম বিমানকোঠটো লিকাবালিত অৱস্থিত। লিকাবালিৰ পৰা অসমৰ গুৱাহাটী আৰু ডিব্ৰুগড়লৈ বিমানসেৱা আছে।
আলঙত এতিয়াও ৰেলসেৱা প্ৰৱৰ্ত্তন হোৱা নাই। ইয়াৰ নিকটতম ৰেলৱে ষ্টেচনটো চিলাপথাৰত অৱস্থিত।[3]
প্ৰচাৰ মাধ্যম
সম্পাদনা কৰকআলঙত অল ইণ্ডিয়া ৰেডিঅ’ৰ এটা কেন্দ্ৰ আছে যাক আকাশবাণী আলং নামেৰে জনা যায়।
সংস্কৃতি
সম্পাদনা কৰকআলঙত উদযাপন কৰা প্ৰধান উৎসৱটো হ’ল মোপিন উত্সৱ। এই উৎসৱ এপ্ৰিল মাহত পালন কৰা হয়। তাৰোপৰি জানুৱাৰী মাহত আলঙত য়’মগ’ নদী উৎসৱ (Yomgo River Festival) পালন কৰা হয়। এই উৎসৱৰ প্ৰধান উদেশ্য হৈছে আলঙৰ স্থানীয় কলা-সংস্কৃতিৰ প্ৰচাৰ আৰু প্ৰসাৰৰ জড়িয়তে পৰ্য্যটনৰ বিকাশ কৰা।
তথ্যসূত্ৰ
সম্পাদনা কৰক- ↑ "Aalo Population Census 2011". Government of India. http://www.census2011.co.in/data/town/801432-aalo-arunachal-pradesh.html। আহৰণ কৰা হৈছে: 10 August 2016.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. https://web.archive.org/web/20040616075334/http://www.censusindia.net/results/town.php?stad=A&state5=999। আহৰণ কৰা হৈছে: 2008-11-01.
- ↑ "Govt plans 3 key railway lines". The Indian Express. http://archive.indianexpress.com/news/eye-on-china-s-upgrade-govt-plans-3-key-railway-lines-one-to-tawang/826950/। আহৰণ কৰা হৈছে: 4 Aug 2011.