চাঁওতালি ৱিকিপিডিয়া

চাঁওতালি ৱিকিপিডিয়া
	soft2i
ইউ আৰ এল	sat.wikipedia.org
বাণিজ্যক	নাই
প্ৰকাৰ	ইণ্টাৰনেট বিশ্বকোষ প্ৰকল্প
পঞ্জীয়ন	বৈকল্পিক
ভাষা	চাঁওতালি ভাষা es-us
বিষয়বস্তু অনুজ্ঞাপত্ৰ	Creative Commons Attribution-ShareAlike 3.0; GFDL
স্বত্বাধিকাৰী	ৱিকিমিডিয়া ফাউণ্ডেচন
অৱস্থান	মিয়ামি, ফ্লৰিডা
মুকলি	২ আগষ্ট ২০১৮; ৫ বছৰ আগত

চাঁওতালি ৱিকিপিডিয়া (চাঁওতালি: ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ) হ'ল অনলাইন মুক্ত বিশ্বকোষ ৱিকিপিডিয়াৰ চাঁওতালি সংস্কৰণ। ৱিকিমিডিয়া ফাউণ্ডেচনৰ অন্তৰ্ভুক্ত এই প্ৰকল্পটো ২০১৮ চনৰ ২ আগষ্ট তাৰিখে ইয়াক মুকলি কৰা হৈছিল।^[1] চাঁওতালি ভাষাৰ নিজস্ব অল চিকি লিপিৰ চাঁওতালি ৱিকিপিডিয়াত ব্যৱহাৰ কৰা হয়।^[1]^[2] চাঁওতালি বা সান্থালী ভাষা হ'ল অষ্ট্ৰো-এছীয় ভাষাপৰিবাৰৰ চাঁওতালি উপ-পৰিয়ালৰ এটি ভাষা। দক্ষিণ এছিয়াৰ ভাৰতৰ ঘাইকৈ ঝাড়খণ্ড, অসম, বিহাৰ, ওড়িশা, ত্ৰিপুৰা আৰু পশ্চিমবঙ্গ, বাংলাদেশ, নেপাল আৰু ভূটানৰ প্ৰায় ৭৪ লাখ মানুহে চাঁওতালি ভাষা ব্যৱহাৰ কৰে।

ইতিহাস সম্পাদনা কৰক

চাঁওতালি ভাষাৰ ৱিকিপিডিয়াৰ সৃষ্টিৰ প্ৰক্ৰিয়া ২০১২ চনত আৰম্ভ হৈছিল আৰু ২০১৭ চনৰ ফেব্ৰুৱাৰী মাহত এয়া গতি লাভ কৰে।^[3] ২০১২ চনত ৱিকিমিডিয়া বাংলাদেশে বাংলাদেশৰ দিনজপুৰ জিলাত চাঁওতালি ভাষা সম্প্ৰদায়ৰ সৈতে চাঁওতালি ৱিকিপিডিয়া আৰম্ভ কৰাৰ উদেশ্যৰে সভা আৰু কৰ্মশালাৰ আয়োজন কৰিছিল।^[4] অৱশ্যে কিছু সময়ৰ পিছত সেই প্ৰক্ৰিয়াটো লেহেমীয়া হয়।^[5]

তাৰ পিছত ২০১৭ চনৰ ছেপ্টেম্বৰ মাহত ৱিকিমিডিয়া বাংলাদেশে ঢাকাত অনুষ্ঠিত চাঁওতালি ভাষা সম্প্ৰদায়ৰ সৈতে অন্য এক সভাৰ আয়োজন কৰে। ইয়াতেই চাঁওতালি ৱিকিপিডিয়াৰ আৰম্ভণিৰ কাম ত্বৰিত কৰাৰ সিদ্ধান্ত লোৱা হৈছিল।^[3]^[6] সেই আলোচনাৰ পিছত ২০১৭ চনৰ ৩০ ডিচেম্বৰত চাঁওতালি ভাষা সম্প্ৰদায়ৰ বাবে ৱিকিমিডিয়া বাংলাদেশৰ দ্বাৰা ঢাকাত এক কৰ্মশালাৰ আয়োজন কৰা হৈছিল।^[4] ভাৰতৰ চাঁওতালি ভাষাৰ সম্প্ৰদায়েও অনলাইন আলোচনাৰ যোগেৰে সেই কাৰ্য্যসূচীত অংশগ্ৰহণ কৰিছিল। তাৰ পিছত ওড়িয়া উইকিমিডিয়া ব্যৱহাৰকাৰী গোটৰ সহযোগত ২০১৮ চনৰ ১১ মাৰ্চ তাৰিখে ভাৰতৰ ওড়িশাত চাঁওতালি ভাষাসম্প্ৰদায়ৰ বাবে অন্য এক কৰ্মশালাৰ আয়োজন কৰা হৈছিল।

কেইবামাহৰ কামৰ পিছত ৱিকিমিডিয়া ভাষা সমিতিয়ে ২০১৮ চনৰ ২৮ জুনত চাঁওতালি ভাষাৰ ৱিকিপিডিয়াক অনুমোদন জনায় আৰু ২০১৮ চনৰ ২ আগষ্ট তাৰিখে ইয়াৰ আনুষ্ঠানিক ৱেবচাইট মুকলি কৰা হয়।^[4]^[6]