বৰহাইঠা
বৰহাইঠা (ইংৰাজী: Thick-billed Green Pigeon, বৈজ্ঞানিক নাম: Treron curvirostra) হাইঠা চৰাইৰ এটা প্ৰজাতি। ই সাধাৰণতে জাক পাতি বাস কৰে।
| বৰহাইঠা | |
|---|---|
| |
| সংৰক্ষণ স্থিতি | |
| জীৱবৈজ্ঞানিক শ্ৰেণীবিভাজন | |
| ৰাজ্য: | Animalia |
| পৰ্ব: | Chordata |
| শ্ৰেণী: | Aves |
| বৰ্গ: | Columbiformes |
| পৰিয়াল: | Columbidae |
| গণ: | Treron |
| প্ৰজাতি: | T. curvirostra |
| বৈজ্ঞানিক নাম | |
| Treron curvirostra (Gmelin, 1789) | |
বিৱৰণ
সম্পাদনা কৰকআকাৰ ২৭ চেণ্টিমিটাৰ। মতা চৰাইটো আৰু মাইকী চৰাইজনী দেখাত অলপ বেলেগ। মতা চৰাইটোৰ মূৰ ছাই বৰণৰ,বুকু সেউজীয়া, দেউকা বাদামী ৰঙৰ, নেজৰ পাখি মটীয়া ৰঙচুৱা বৰণৰ, ঠোঁট সেউজ-হালধীয়া, ঠোঁটৰ কাষ ৰঙা, ভৰি ৰঙা আৰু চকুৰ কাষ সেউজীয়া। মাইকী চৰাইজনীৰ মূৰ সেউজীয়া, ডেউকাত সেউজীয়া পাখি,নেজৰ পাখি ধূসৰ হালধীয়া আৰু ঠেং ৰঙা বৰণৰ।
বিতৰণ
সম্পাদনা কৰকপৃথিৱীৰ প্ৰায় সকলো অঞ্চলত ইয়াক দেখা যায় যদিও নেপাল, চীন, ফিলিপাইন, ভিয়েটনাম, কম্বোডিয়া, থাইলেণ্ড ইয়াৰ বিশেষ অৱস্থিতি দেখা যায়। সাধাৰণতে ক্ৰান্তীয় বৰ্ষাঅৰণ্যত ইয়াৰ অৱস্থিতি দেখা যায়।ইহঁতৰ জনসংখ্যা দিনক দিনে কমি আহিছে।[2]
আচৰণ
সম্পাদনা কৰকই সাধাৰণতে বিভিন্ন গছৰ গুটি খাই জীয়াই থাকে। ইহঁতৰ প্ৰজনন কাল মে-জুন মাহ। এবাৰত সাধাৰণতে দুটাকৈ কণী পাৰি পোৱালি উলিয়ায়। ইহঁত যুগ্মভাবে বা সৰু সৰু দলত বিভক্ত হৈ উৰি ফুৰা দেখা যায়। ইহঁতক পৰ্বতৰ পাদদেশৰ অৰণ্যত ফল লাগিব ধৰা বৃক্ষত দেখা যায়। তাত সিহঁতে অন্য হাইঠাৰ সৈতে মিলিত হয়। সিহঁতৰ "WoOOOOO" শব্দ লানি নিচিগাকৈ স্পন্দিত হৈ থাকে।
তথ্যসূত্ৰ
সম্পাদনা কৰক- ↑ BirdLife International (2012). "Treron curvirostra". IUCN Red List of Threatened Species. Version 2012.1. International Union for Conservation of Nature. http://www.iucnredlist.org/apps/redlist/details/106002636। আহৰণ কৰা হৈছে: 16 July 2012.
- ↑ http://www.zoothailand.org/index.php/en/animal-encyclopedia/birds/item/93-%E0%B8%99%E0%B8%81%E0%B9%80%E0%B8%82%E0%B8%B2%E0%B9%80%E0%B8%9B%E0%B8%A5%E0%B9%89%E0%B8%B2?tmpl=component&print=1
- ↑ Rasmussen, P. C. and Anderton, J. C. (2005) Birds of South Asia. The Ripley Guide. Vol 1 and 2. Smithsonian Institution and Lynx Edicions.
বাহ্যিক সংযোগ
সম্পাদনা কৰক
ৱিকিমিডিয়া কমন্সত বৰহাইঠা সম্পৰ্কীয় মিডিয়া ফাইল।
