মেঘনা গুলজাৰ
মেঘনা গুলজাৰ (ইংৰাজী: Meghna Gulzar; এগৰাকী ভাৰতীয় লেখক, পৰিচালক আৰু প্ৰযোজক। ২০১৮ চনৰ বলীউডী ছবি ৰাজী পৰিচালনাৰ বাবে তেওঁ অধিক পৰিচিত।[3]
| মেঘনা গুলজাৰ | |
|---|---|
 ২০১৮ চনত মেঘনা | |
| জন্ম | ১৩ ডিচেম্বৰ, ১৯৭৩ (৫১ বছৰ)[1] মুম্বাই, মহাৰাষ্ট্ৰ, ভাৰত |
| পেচা | লেখক, চলচ্চিত্ৰ পৰিচালক, প্ৰযোজক |
| সক্ৰিয় হৈ থকা সময় | ২০০২-বৰ্তমাননৈ |
| দাম্পত্যসঙ্গী | গোবিন্দ সন্ধু |
| পিতৃ-মাতৃ | গুলজাৰ (পিতৃ) ৰাখী গুলজাৰ (মাতৃ) |
| সন্তান | সময়[2] |
১৯৯৯ চনত দেউতাকৰ পৰিচালনাৰ হু-তু-তুৰ চিত্ৰনাট্যকাৰ হিচাপে অভিষেক ঘটাৰ পিছত ২০০০ চনত মেঘনা পৰিচালিত প্ৰথমখন ছবি ফিলহাল মুক্তি পায়; যদিও সেই দশকটোত তেওঁ পৰিচালনাত সফলতা লাভ কৰিব নোৱাৰিলে। আঠ বছৰীয়া এক জঠৰ সময় পাৰ কৰাৰ পিছত তেওঁ সমালোচকৰ প্ৰশংসিত ছবি তলৱাৰ (২০১৫) পৰিচালনা কৰে, যিখন বক্স অফিচত সিমান সফল নোহোৱাৰ পিছতো শ্ৰেষ্ঠ পৰিচালকৰ মনোনয়ন পায়। ২০১৮ চনত তেওঁৰ পৰিচালিত ছবি দেশপ্ৰেমমূলক থ্ৰিলাৰ ৰাজীয়ে প্ৰথমবাৰৰ বাবে লাভৰ মুখ দেখায়। ৰাজী ভাৰতৰ সৰ্বাধিক উপাৰ্জন কৰা চলচ্চিত্ৰৰ অন্যতম। এই ছবিখনৰ বাবে তেওঁ শ্ৰেষ্ঠ পৰিচালকৰ ফিল্মফেয়াৰ বঁটা অৰ্জন কৰিবলৈ সক্ষম হয়। ৰাজীয়ে তেওঁক পৰিচালক হিচাপে প্ৰতিষ্ঠিত হোৱাত সহায় কৰে আৰু ইয়াৰ পিছত তেওঁ জীৱনীমূলক ড্ৰামা ছবি ছাপাক (২০২০) পৰিচালনা কৰে।
প্ৰাৰম্ভিক জীৱন
সম্পাদনা কৰকগীতিকাৰ আৰু কবি গুলজাৰ আৰু প্ৰাক্তন অভিনেত্ৰী ৰাখীৰ কন্যা মেঘনা গুলজাৰৰ জন্ম হৈছিল ১৯৭৩ চনৰ ১৩ ডিচেম্বৰত মহাৰাষ্ট্ৰৰ মুম্বাইত। বৰ্তমানৰ বাংলাদেশৰ মেঘনা নদীৰ নামেৰে মাকে তেওঁক মেঘনা নাম দিছিল।[4]
কৰ্মজীৱন
সম্পাদনা কৰকমেঘনাই ‘দ্য টাইমছ অফ ইণ্ডিয়া’ আৰু ৰাষ্ট্ৰীয় চলচ্চিত্ৰ বিকাশ নিগমৰ (NFDC) ‘পাব্লিকেচন চিনেমা ইন ইণ্ডিয়া’ৰ ফ্ৰীলেঞ্চ লেখিকা হিচাপে কৰ্মজীৱনৰ পাতনি মেলে। তেওঁৰ কবিতা ভাৰতীয় কবি সমাজৰ সংকলনসমূহত প্ৰকাশ পাইছিল। সমাজবিজ্ঞানত স্নাতক ডিগ্ৰী লাভ কৰাৰ পিছত তেওঁ বিখ্যাত চলচ্চিত্ৰ নিৰ্মাতা চৈয়দ আখতাৰ মিৰ্জাৰ সৈতে সহকাৰী পৰিচালক হিচাপে কাম কৰে। ১৯৯৫ চনত নিউয়ৰ্ক বিশ্ববিদ্যালয়ৰ টিচ্ছ স্কুল অফ আৰ্টছৰ পৰা চলচ্চিত্ৰ নিৰ্মাণৰ চুটি পাঠ্যক্ৰম সম্পূৰ্ণ কৰে। তাৰপৰা উভতি অহাৰ পিছত দেউতাক লেখক-পৰিচালক গুলজাৰৰ ছবি মাচিছ আৰু হু-তু-তুৰ সহকাৰী হিচাপে কামত সোমায়। মেঘনাই একে সময়তে চিত্ৰনাট্য লিখাৰ কাম হাতত লোৱাৰ উপৰিও দূৰদৰ্শনৰ তথ্যচিত্ৰ আৰু কেইবাটাও মিউজিক ভিডিঅ’ৰ পৰিচালনাৰ সৈতে জড়িত হয়।
২০০২ চনত মেঘনাই তেওঁৰ প্ৰথম ছবি ফিলহাল[5] পৰিচালনা কৰে; য'ত প্ৰাক্তন মিছ ইউনিভাৰ্ছ সুস্মিতা আৰু টাবুৱে অভিনয় কৰিছিল। মেঘনা পৰিচালিত দ্বিতীয়খন ছবি আছিল জাষ্ট মেৰিড (২০০৭)।[6] তেওঁ অমৃতা সিং অভিনীত সঞ্জয় গুপ্তৰ সংকলন দছ কাহানিয়াৰ আধাৰত পূৰ্ণমাসী নামেৰে এখন চুটি ছবিও পৰিচালনা কৰে। ২০১৫ চনত মেঘনাই বিশাল ভৰদ্বাজে লিখা তলৱাৰ পৰিচালনা কৰে, যিখনৰ কাহিনীৰ আধাৰ আছিল ২০০৮ চনত সংঘটিত হোৱা নয়দাৰ ডাবল মাৰ্ডাৰ।[7][8]
২০১৮ চনত তেওঁৰ থ্ৰিলাৰ তেওঁ ৰাজী মুক্তি পায়।[9] জংলী পিকচাৰ্ছ আৰু ধৰ্ম প্ৰডাকচনৰ দ্বাৰা নিৰ্মিত এই ছবিখনত আলিয়া ভাট আৰু বিকি কৌশলে অভিনয় কৰিছিল।[10] ছবিখন হৰিন্দৰ ছিক্কাৰ উপন্যাস কলিং সহমতৰ আধাৰত নিৰ্মিত।[11] বিশ্বজুৰি ১৯৩ কোটি টকা (২৪ মিলিয়ন মাৰ্কিন ডলাৰ) উপাৰ্জন কৰি ই বলীউডৰ অন্যতম সৰ্বাধিক উপাৰ্জনকাৰী ছবি বুলি প্ৰমাণিত হয়। তলৱাৰ আৰু ৰাজী দুয়োখনে শ্ৰেষ্ঠ ছবিৰ ফিল্মফেয়াৰ বঁটাৰ মনোনয়ন লাভ কৰাৰ লগতে মেঘনায়ো শ্ৰেষ্ঠ পৰিচালক শাখাত দুটা মনোনয়ন লাভ কৰে। ৰাজীয়ে শ্ৰেষ্ঠ ছবিৰ সন্মান পায় আৰু মেঘনায়ো ইয়াৰ বাবে শ্ৰেষ্ঠ পৰিচালকৰ বঁটা লাভ কৰে।
পৰৱৰ্তী পৰিচালনাৰ বাবে মেঘনাই এচিড আক্ৰমণৰ পৰা জীৱন ৰক্ষা পৰা লক্ষ্মী আগৰৱালাৰ জীৱনৰ আধাৰত এখন বায’পিক নিৰ্মাণ কৰিবলৈ বাছি লৈছিল। ছবিখনৰ নাম দিছিল ছাপাক। লক্ষ্মী আগৰৱালাৰ দ্বাৰা অনুপ্ৰাণিত হৈ এচিড আক্ৰমণৰ পৰা জীৱন ৰক্ষা পৰা মালতি নামৰ ছোৱালী এজনীৰ বিষয়ে ছবিখন বৰ্ণনা কৰা হৈছে। দীপিকা পাড়ুকনে কেন্দ্ৰীয় চৰিত্ৰত অভিনয় কৰা ছবিখনত ২০২০ চনৰ ১০ জানুৱাৰীত মুক্তি পোৱাৰ লগে লগে সমালোচকৰ প্ৰশংসা লাভ কৰিবলৈ সক্ষম হয়।[12]
তথ্যউৎস
সম্পাদনা কৰক- ↑ Raghavendra, Nandini (14 December 2003). "Meghna Gulzar: Papa's girl". The Economic Times. Archived from the original on 26 April 2013. https://web.archive.org/web/20130426015934/http://articles.economictimes.indiatimes.com/2003-12-14/news/27520520_1_meghna-gulzar-birthday-party-book.
- ↑ "{title}". https://www.pressreader.com/india/ht-cafe/20160913/281685434302825। আহৰণ কৰা হৈছে: 2 March 2018.
- ↑ "Life beyond Filhaal". The Times of India. 6 September 2006. http://timesofindia.indiatimes.com/ahmedabad-times/life-beyond-filhaal/articleshow/1963770.cms.
- ↑ Megna Gulzar (2004). Because He is. Rupa & Co.. পৃষ্ঠা. 67.
- ↑ Encyclopaedia of Hindi cinema. Encyclopædia Britannica (India). 2003. পৃষ্ঠা. 244. ISBN 978-81-7991-066-5.
- ↑ "Just Married". The Indian Express. 16 March 2007. Archived from the original on 11 October 2012. https://web.archive.org/web/20121011200409/http://www.expressindia.com/news/fullstory.php?newsid=83129.
- ↑ "Meghna Gulzar: I will celebrate Talvar's success NOW". https://timesofindia.indiatimes.com/entertainment/hindi/bollywood/news/meghna-gulzar-i-will-celebrate-talvar-s-success-now/articleshow/61080418.cms। আহৰণ কৰা হৈছে: 14 October 2017.
- ↑ "Aarushi murder: How Meghna Gulzar's Talvar presented a bang-on prediction of what was to come". http://www.dailyo.in/variety/aarushi-talwar-talvar-film-meghna-gulzar-vishal-bharadwaj-nupur-rajesh-allahabad-hc/story/1/20058.html। আহৰণ কৰা হৈছে: 14 October 2017.
- ↑ "Alia Bhatt a spy, Vicky Kaushal a Pak army man in Meghna Gulzar's Raazi". Deccan Chronicle. 23 June 2017. http://www.deccanchronicle.com/entertainment/bollywood/230617/alia-bhatt-a-spy-vicky-kaushal-a-pak-army-man-in-meghna-gulzars-raazi.html.
- ↑ "ALIA BHATT KICKS OFF MEGHNA GULZAR'S UPCOMING ESPIONAGE THRILLER, RAAZI, IN JULY". MumbaiMirror. 23 June 2017. http://mumbaimirror.indiatimes.com/entertainment/bollywood/alia-bhatt-kicks-off-meghna-gulzars-upcoming-espionage-thriller-raazi-in-july/articleshow/59276486.cms.
- ↑ "Alia Bhatt a spy, Vicky Kaushal a Pak army man in Meghna Gulzar's Raazi". DeccanChronicle. 23 June 2017. http://www.deccanchronicle.com/entertainment/bollywood/230617/alia-bhatt-a-spy-vicky-kaushal-a-pak-army-man-in-meghna-gulzars-raazi.html.
- ↑ "Deepika Padukone's Chhapaak begins, director Meghna Gulzar shares first pic" (en ভাষাত). Hindustan Times. 14 February 2019. https://hindustantimes.com/bollywood/deepika-padukone-s-chhapaak-begins-director-meghna-gulzar-shares-first-pic/story-GvhYsFHZP9BwNbwARd5iXK.html.
বাহ্যিক সংযোগ
সম্পাদনা কৰক| ৱিকিমিডিয়া কমন্সত মেঘনা গুলজাৰ সম্পৰ্কীয় মিডিয়া ফাইল আছে। |
- মেঘনা গুলজাৰ সম্পৰ্কে ইণ্টাৰনেট মুভি ডাটাবেছত থকা তথ্য।