য়েছে দৰজে ঠংচি
য়েছে দৰজে ঠংচি (ইংৰাজী: Yese Dorjee Thongchi) এগৰাকী বিশিষ্ট ঔপন্যাসিক আৰু গল্পকাৰ। ‘জোনবাই’ নামৰ কবিতা লিখি সাহিত্যিক জীৱন আৰম্ভ কৰা ঠংচিয়ে স্কুলীয়া দিনৰে পৰা সাহিত্য-চৰ্চাত মনোনিবেশ কৰিছিল। প্ৰথমাৱস্থাত কবিতা আৰু নাটক ৰচনাতে নিজৰ সৃষ্টিক আবদ্ধ কৰি ৰাখিছিল যদিও পিছলৈ গল্প আৰু উপন্যাসলৈ তেওঁ সাহিত্য কৰ্মৰ প্ৰসাৰণ ঘটায়। তেওঁৰ ভালেমান গল্প ‘সংগম’, ‘মনোৰঞ্জন’, ‘প্ৰান্তিক’, ‘গৰীয়সী’ আদি আলোচনীৰ পাতত সিঁচৰতি হৈ আছে। তেওঁ মৌন ওঁঠ মুখৰ হৃদয় নামৰ উপন্যাসৰ বাবে সাহিত্য অকাডেমি বঁটা আৰু ভাষা ভাৰতী সাহিত্য পুৰস্কাৰ লাভ কৰে আৰু ‘পাপৰ পুখুৰী’ নামৰ গল্প সংকলনৰ বাবে অসম সাহিত্য সভাৰ বিষ্ণু ৰাভা বঁটা লাভ কৰে। ২০২০ চনত ভাৰত চৰকাৰে সাহিত্য আৰু শিক্ষাক্ষেত্ৰত তেওঁৰ অৱদানৰ স্বীকৃতি স্বৰূপে ভাৰতৰ চতুৰ্থ অসামৰিক সন্মান পদ্মশ্ৰী প্ৰদান কৰে।[2]
| য়েছে দৰজে ঠংচি | |
|---|---|
 | |
| জন্ম | ১৯৫২ চন পশ্চিম কামেং জিলা, অৰুণাচল প্ৰদেশ, ভাৰত |
| পেচা | সাহিত্যিক, ঔপন্যাসিক, গল্পকাৰ |
| ৰাষ্ট্ৰীয়তা | ভাৰতীয় |
| নাগৰিকত্ব | ভাৰতীয় |
| উল্লেখনীয় কৰ্মৰাজি | মৌন ওঁঠ মুখৰ হৃদয় |
| উল্লেখযোগ্য বঁটা | সাহিত্য অকাডেমি বঁটা, ২০০৫[1] পদ্মশ্ৰী, ২০২০ |
জন্ম আৰু শিক্ষা
সম্পাদনা কৰক১৯৫২ চনত নেফাৰ কামেং সীমান্ত বিভাগৰ (বৰ্তমান অৰুণাচল প্ৰদেশৰ পশ্চিম কামেং জিলা) জগং (জী) নাম গাঁৱৰ এটি চেৰদুকপেন সম্প্ৰদায়ৰ পৰিয়ালত ঠংচিদেৱৰ জন্ম।[3] তেখেতে জীগাঁও প্ৰাথমিক বিদ্যালয়, বোমডিলা চৰকাৰী উচ্চতৰ মাধ্যমিক বিদ্যালয়ত শিক্ষা গ্ৰহণ কৰি কটন কলেজত পঢ়িবলৈ লয় আৰু কটন কলেজৰ পৰা অসমীয়াত অনাৰ্ছসহ স্নাতক ডিগ্ৰী লাভ কৰে। তাৰ পিছত গুৱাহাটী বিশ্ববিদ্যালয়ৰ পৰা অসমীয়া ভাষাত স্নাতকোত্তৰ ডিগ্ৰী অৰ্জন কৰে। তেওঁ ১৯৭৭ চনত অৰুণাচল প্ৰদেশ অসামৰিক সেৱাত যোগদান কৰে। ১৯৯২ চনত তেওঁ ভাৰতীয় প্ৰশাসনীয় সেৱালৈ পদোন্নতি লাভ কৰে।
কৰ্মজীৱন
সম্পাদনা কৰক১৯৭৭ চনত অৰুণাচল প্ৰদেশ প্ৰশাসনিক সেৱাত যোগদান কৰে। ১৯৯২ চনত তেওঁ ভাৰতীয় প্ৰশাসনিক সেৱালৈ পদোন্নতি লাভ কৰে। ১৯৯৩ চনৰ পৰা টাৱাং, নামনি সোৱণশিৰি, চাংলাং, লোহিত আৰু পূব কামেং জিলাৰ উপায়ুক্ত হিচাপে সেৱা আগবঢ়াই বৰ্তমান তেওঁ অৰুণাচল প্ৰদেশ চৰকাৰৰ পৰ্যটন আৰু সাংস্কৃতিক পৰিক্ৰমা, নগৰ উন্নয়ন, গৃহ নিৰ্মাণ আৰু পৰিকল্পনা আদি বিভাগৰ সচিব পদত কাৰ্যনিৰ্বাহ কৰি আছে।
উল্লেখযোগ্য বঁটা
সম্পাদনা কৰক- সাহিত্য অকাডেমি বঁটা, ২০০৫
- ভাষা-ভাৰতী সাহিত্য পুৰস্কাৰ[4]
- অসম সাহিত্য সভাৰ বিষ্ণু ৰাভা বঁটা
- অসম উপত্যকা সাহিত্য বঁটা, ২০১৭[5]
- ভূপেন হাজৰিকা ৰাষ্ট্ৰীয় বঁটা, ২০১৭[6]
- পদ্মশ্ৰী, ২০২০
সাহিত্যিক অৱদান
সম্পাদনা কৰকগ্ৰন্থ
সম্পাদনা কৰক- কামেং সীমান্তৰ সাধু (অসম সাহিত্য সভাৰ দ্বাৰা প্ৰথম প্ৰকাশিত)
উপন্যাস
সম্পাদনা কৰক- চনম আৰু লিংঝিক
- মই পুনৰ জনম লম
- মৌন ওঁঠ মুখৰ হৃদয় (২০০১)
- শৱ কটা মানুহ (২০০৪)
- মিছিং
গল্প সংকলন
সম্পাদনা কৰকআত্মজীৱনী
সম্পাদনা কৰকতথ্য সংগ্ৰহ
সম্পাদনা কৰক- ↑ "সাহিত্য অকাডেমি বঁটা বিজয়ী অসমীয়াসকলৰ তথ্য". সাহিত্য অকাডেমি. http://sahitya-akademi.gov.in/sahitya-akademi/showSearchAwardsResult.jsp?year=&author=&awards=AA&language=ASSAMESE। আহৰণ কৰা হৈছে: নৱেম্বৰ ১৬, ২০১২.
- ↑ "Padma Vibhushan for Mary Kom, Padma Bhushan for SC Jamir, Padma Shri for 13 others from Northeast". NENOW. 25 January 2020. https://nenow.in/north-east-news/padma-vibhushan-for-mary-kom-pama-bhushan-for-sc-jamir-padma-shri-for-13-others-from-northeast.html। আহৰণ কৰা হৈছে: 26 January 2020.
- ↑ “মৌন ওঁঠ মুখৰ হৃদয়” গ্ৰন্থত সন্নিবিষ্ট পৰিচয়ৰ পৰা।
- ↑ "kitap.co.in". Archived from the original on 2012-03-25. https://web.archive.org/web/20120325063657/http://books.jamini.co.in/%E0%A6%AE%E0%A7%8C%E0%A6%A8-%E0%A6%93%E0%A6%81%E0%A6%A0-%E0%A6%AE%E0%A7%81%E0%A6%96%E0%A7%B0-%E0%A6%B9%E0%A7%83%E0%A6%A6%E0%A7%9F/। আহৰণ কৰা হৈছে: 2012-03-22.
- ↑ "আৰ্কাইভ কপি". Archived from the original on 2021-03-04. https://web.archive.org/web/20210304121107/https://janambhumi.in/VFZSak5FMVVSVDA9/%E0%A6%B8%E0%A6%A8%E0%A6%A8%E0%A7%8D%E0%A6%A4-%E0%A6%A4%E0%A6%BE%E0%A6%81%E0%A6%A4%E0%A7%80,-%E0%A7%B0%E0%A7%80%E0%A6%A4%E0%A6%BE-%E0%A6%9A%E0%A7%8C%E0%A6%A7%E0%A7%81%E0%A7%B0%E0%A7%80-%E0%A6%86%E0%A7%B0%E0%A7%81-%E0%A6%AF%E0%A6%BC%E0%A7%87%E0%A6%9B%E0%A7%87-%E0%A6%A6%E0%A7%B0%E0%A6%9C%E0%A7%87-%E0%A6%A0%E0%A6%82%E0%A6%9A%E0%A6%BF%E0%A6%B2%E0%A7%88-%E0%A6%85%E0%A6%B8%E0%A6%AE-%E0%A6%89%E0%A6%AA%E0%A6%A4%E0%A7%8D%E0%A6%AF%E0%A6%95%E0%A6%BE-%E0%A6%B8%E0%A6%BE%E0%A6%B9%E0%A6%BF%E0%A6%A4%E0%A7%8D%E0%A6%AF-%E0%A6%AC%E0%A6%81%E0%A6%9F%E0%A6%BE.html। আহৰণ কৰা হৈছে: 2018-11-25.
- ↑ "Yeshe Dorjee Thongchi Chosen for Bhupen Hazarika Award". Arunachal24.in. 15 June 2017. https://arunachal24.in/yeshe-dorjee-thongchi-chosen-for-bhupen-hazarika-award/। আহৰণ কৰা হৈছে: 25 January 2020.