অমূল্য কাকতি (ইংৰাজী: Amulya Kakati; ১১ জুন ১৯৫০-২৫ জানুৱাৰী ২০০২) এগৰাকী নাট্যকাৰ, চিত্ৰনাট্য লেখক, অভিনেতা আৰু প্ৰযোজক। তেওঁ বহাগৰ দুপৰীয়া, হালধীয়া চৰায়ে বাওধান খায় আদি ছবিত অভিনয় কৰিছে। তেওঁ মুনীন বৰুৱাৰ সৈতে পিতা-পুত্ৰ আৰু প্ৰভাতী পখীৰ গানৰ যুটীয়া ভাবে চিত্ৰনাট্য ৰচনা কৰিছে।

অমূল্য কাকতি
জন্ম ১১ জুন, ১৯৫০
পাণবজাৰ, গুৱাহাটী
মৃত্যু ২৫ জানুৱাৰী, ২০০২ (৫১ বছৰ)
ৰাষ্ট্ৰীয়তা ভাৰতীয়
পেচা নাট্যকাৰ, চিত্ৰনাট্য লেখক, প্ৰযোজক, অভিনেতা

সংক্ষিপ্ত জীৱনীসম্পাদনা কৰক

১৯৫০ চনৰ ১১জুন তাৰিখে গুৱাহাটীৰ পাণবজাৰত অমূল্য কাকতিৰ জন্ম হয়। তেওঁৰ পিতৃৰ নাম আছিল গোলোক নাথ কাকতি আৰু মাতৃৰ নাম হেমলতা কাকতি। ৰিহাবাৰীৰ আৰ্য বিদ্যাপীঠ পাঠশালাত প্ৰাথমিক শিক্ষা শেষ কৰি গুৱাহাটীৰ ডনবস্ক' হাইস্কুলত নামভৰ্তি কৰে। উচ্চশিক্ষা গ্ৰহণ কৰে ভোলানাথ বৰুৱা মহাবিদ্যালয়ত। তেওঁ জ্ঞানদাভিৰাম বৰুৱা আইন মহাবিদ্যালয়ত আইনৰ শ্ৰেণীত ভৰ্তি হয় যদিও আইনৰ শিক্ষা তেওঁৰ আধৰুৱা হৈ ৰয়।

তেজপুৰৰ অঞ্জলি দাসৰ সৈতে তেওঁ বিবাহপাশত আবদ্ধ হয়। তেওঁলোকৰ দুটি সন্তান তন্বী (তুষ্টি) আৰু ৰোহন।

কৰ্মজীৱনসম্পাদনা কৰক

চতুৰ্থমানত পঢ়ি থকা অৱস্থাতে কাকতিয়ে শিল্পীজীৱনৰ পাতনি মেলে। ১৯৭৪ চনত তেওঁ ফ্ৰেণ্ডছ এণ্টাৰপ্ৰাইজ নামৰ ব্যৱসায়িক প্ৰতিষ্ঠানৰ শুভাৰম্ভ কৰে। প্ৰযোজনা সংস্থা অনুভৱ ফিল্মছৰ প্ৰতিষ্ঠা কৰে ১৯৮৯ চনত। তেওঁ ৰচনা কৰা কেইখনমান নাটক হ'ল- মিছা ভূত, আমি এক্টৰ, নাটক, ৰং, অ- আ আদি। ইয়াৰে আমি এক্টৰ নাটখন অষ্টম শ্ৰেণীত থাকোঁতে ৰচনা কৰা।

প্ৰযোজিত আৰু পৰিচালিত টেলিফিল্মসম্পাদনা কৰক

সেই বাটে', 'কুহিৰামৰ প্ৰেম',' অজ্ঞান এন্ধাৰ বিনাশী'।

তথ্যচিত্ৰসম্পাদনা কৰক

'অল এল'ন ইফ নিড বি '(শৰৎ সিংহৰ জীৱন ভিত্তিক আৰু ১৯৯৬ চনৰ ৰাষ্ট্ৰীয় ৰজত কমল বঁটা প্ৰাপ্ত),'ঢোলে - ডগৰে'(পৰম্পৰাগত অসমীয়া লোক বাদ্য বিষয়ক),' আশাৰ ৰেঙনি'(পৰিৱেশ প্ৰদূষণক কেন্দ্ৰ কৰি নিৰ্মিত)।

দূৰদৰ্শন ধাৰাবাহিকৰ চিত্ৰনাট্যসম্পাদনা কৰক

'পাপু-নিকুৰ সংবাদ', 'জিতু- নিকুৰ অভিযান', ' ব'হাগতে শীত', 'শাহু আই'(একাংশ)

চলচ্চিত্ৰৰ চিত্ৰনাট্যসম্পাদনা কৰক

'অংকুৰ' গল্পৰ আধাৰত 'পিতা-পুত্ৰ', 'অপ্ৰকাশ' গল্পৰ আধাৰত 'প্ৰভাতী পখীৰ গান', 'ভাই- ভাই', 'তুমি মোৰ মাথোঁ মোৰ,' মোহমুক্তি', ' গুণ গুণ গানে গানে', 'পূৰ্ণিমাৰ আকাশ'।

অভিনীত ছবিসম্পাদনা কৰক

' ৰজনীগন্ধা', ' মেঘমুক্তি', 'পূজা,দেৱী,পাপৰি', ' ব'হাগৰ দুপৰীয়া',' এই দেশ মোৰ দেশ', ' ৰঙা নদী,' হালধীয়া চৰায়ে বাওধান খায়', 'জীৱন সুৰভি'।

উত্তৰাধিকাৰসম্পাদনা কৰক

অমূল্য কাকতিৰ সোঁৱৰণত ২০০৭ চনৰ পৰা সদৌ অসম ছাত্ৰ সন্থাৰ ছাত্ৰৰ শিল্পী-সাহিত্যিক কল্যাণ ন্যাসৰ উদ্যোগত গুৱাহাটী ছাত্ৰ সন্থাই স্বভাৱ শিল্পী অমূল্য কাকতি স্মাৰক বঁটা প্ৰদান কৰি আহিছে। ২০২২ বৰ্ষত এই বঁটা লাভ কৰে নগাঁৱৰ নাট্য শিল্পৰ সাধক জিতেন্দ্ৰ নাথ বৰাই।[1]

তথ্য সংগ্ৰহসম্পাদনা কৰক