ৰূপহী পথাৰ
শিৱসাগৰ জিলাৰ ভটীয়াপাৰ আৰু দিখৌ নদীৰ পাৰলৈকে পূবফাললৈ বিস্তৃত পথাৰখনৰ নাম ৰূপহী পথাৰ।[1]
ৰূপহী পথাৰ | |
|---|---|
| দেশ |  ভাৰত |
| ৰাজ্য | অসম |
| জিলা | শিৱসাগৰ |
ৰূপহী নামৰ উৎপত্তি
সম্পাদনা কৰক১৬৯৬ খ্ৰীষ্টাব্দত স্বৰ্গদেউ ৰুদ্ৰসিংহই মেটেকাত ৰাজধানী স্থাপন কৰিছিল। তেওঁ ৰূপহী পথাৰত বিভিন্ন জন্তু,চৰাই-চিৰিকতিৰ যুঁজ,মালযুঁজ আৰু খেল ধেমালিৰ আয়োজন কৰিছিল।[1]গাভৰু নাচ আছিল আহোম শাসনকালত এক উপভোগ্য নাচ। এই নাচ আছিল বছা বছা নাচনীৰ নাচ। ব্যতিক্ৰমী নাচেৰে, অপৰূপ লয়-লাসেৰে নচা এজনী নাচনী আছিল- ৰূপহী। ৰূপহীৰ নাচ আৰু সৌন্দৰ্যৰ প্ৰতি আকৰ্ষিত হৈ স্বৰ্গদেউ ৰুদ্ৰসিংহই ৰূপহীক তেওঁৰ আলপৈচান ধৰাৰ দায়িত্ব দিছিল। আৰু তাইৰ প্ৰতিভাৰ স্বীকৃতি ৰূপে তাই নচা পথাৰখনৰ নাম দিছিল ৰূপহী পথাৰ।[1]
ভৌগোলিক বিৱৰণ
সম্পাদনা কৰক- ভটিয়াপাৰ আৰু দিখৌ নদীৰ পাৰত পূৱলৈ অৱস্থিত ৰূপহী পথাৰ।
- ৰূপহী পথাৰৰ এটা অঞ্চলৰ নাম চলা পথাৰ বা কেকাই পথাৰ।[1]
- চাৰিসীমা
প্ৰবাদ
সম্পাদনা কৰকৰুদ্ৰসিংহই নিজে আনন্দ উপভোগৰ লগতে জনসাধাৰণৰ হৃদয় জয় কৰিবলৈ ৰূপহী পথাৰত বাঁহ কাঠেৰে এটা ৰংঘৰ নিৰ্মাণ কৰিছিল যিটো তেওঁৰ দ্বিতীয় পুত্ৰ প্ৰমত্ত সিংহই বৰ্তমানৰ দুমহলীয়া ৰংঘৰটো ইটাৰে নিৰ্মাণ কৰে। দুবৰণি আলি আৰু বৰ আলিৰ মাজৰ ৰূপহী পথাৰত থকা এই ৰংঘৰটো এছিয়াৰ সৰ্বপ্ৰথম ক্ৰীড়া উপভোগ ক্ষেত্ৰ।[1]এই ৰংঘৰটোৰ পিছফালে ৰূপহী পথাৰৰ মধ্যস্থলত কেইবা পূৰা মাটি আগুৰি ধোবা পুখুৰী নামৰ এটা পুখুৰী আছিল।[1]
অন্যান্য
সম্পাদনা কৰক- ২০১৬ চনৰ ফেব্ৰুৱাৰী মাহত শ্ৰীমন্ত শংকৰদেৱ সংঘৰ ৮৫ সংখ্যক বাৰ্ষিক অধিবেশন ৰূপহী পথাৰত অনুষ্ঠিত হয়।[1]
- ২০১৭ চনত অসম সাহিত্য সভাৰ শতবৰ্ষতম অধিৱেশন ৰূপহী পথাৰত অনুষ্ঠিত হয়।