নীলমণি ফুকন অসমীয়া ভাষাৰ এজন কবি, কলা-সমালোচক, অধ্যাপক আৰু সাহিত্যিক। তেওঁ অসমীয়া কবিতাত প্ৰতীকবাদ আৰু চিত্ৰকল্পবাদৰ সুদূৰপ্ৰসাৰী প্ৰভাৱ পেলায়। তেখেতৰ উল্লেখযোগ্য কৰ্ম হ'ল 'সূৰ্য হেনো নামি আহে এই নদীয়েদি', 'কবিতা', আৰু 'গোলাপী জামুৰ লগ্ন'।

নীলমণি ফুকন
জন্ম ১০ ছেপ্টেম্বৰ ১৯৩৩
দেৰগাঁও, গোলাঘাট জিলা, অসম
পেচা কবি, শিল্পী, সমালোচক, অধ্যাপক
ভাষা অসমীয়া
ৰাষ্ট্ৰীয়তা ভাৰতীয়
নাগৰিকত্ব ভাৰতীয়
শিক্ষা এম.এ
উল্লেখযোগ্য বঁটা জ্ঞানপীঠ বঁটা (২০২০), সাহিত্য অকাডেমি বঁটা,[1] পদ্মশ্ৰী, অসম উপত্যকা সাহিত্য বঁটা

'কবিতা' শীৰ্ষক স্বনিৰ্বাচিত কাব্যগ্ৰন্থৰ কাৰণে তেওঁক ১৯৮১ চনত সাহিত্য অকাডেমি বঁটা প্ৰদান কৰা হয়। ১৯৯০ চনত ভাৰত চৰকাৰে পদ্মশ্ৰী সন্মানেৰে সন্মানিত কৰে। ইয়াৰোপৰি ১৯৯১ চনত ছগনলাল জৈন বঁটা, ১৯৯৭ চনত অসম উপত্যকা সাহিত্য বঁটা আৰু সাহিত্য অকাডেমিৰ ফালৰ পৰা শ্ৰেষ্ঠ সাহিত্যিক সন্মান সাহিত্য অকাডেমিৰ ফেল' ২০০২ চনত প্ৰদান কৰা হয়।[2] কবি ফুুুুকনক ২০১৯ বৰ্ষৰ ১৯ আগষ্ট তাৰিখে ডিব্ৰুগড় বিশ্ববিদ্যালয়ে সন্মানীয় 'ডি লীট' উপাধি প্ৰদান কৰে। নতুন দিল্লী স্থিত ভাৰতীয় জ্ঞানপীঠে ২০২১ চনত, নীলমণি ফুকনক সাহিত্যক্ষেত্ৰলৈ আগবঢ়োৱা তেওঁৰ অসামান্য অৱদানৰ বাবে ২০২০ বৰ্ষৰ জ্ঞানপীঠ বঁটা প্ৰদান কৰে।[3] এই বঁটা লাভ কৰা তেওঁ তৃতীয় গৰাকী অসমীয়া সাহিত্যিক।

প্ৰাৰম্ভিক জীৱন আৰু শিক্ষাসম্পাদনা কৰক

ফুকনৰ জন্ম হয় অসমৰ গোলাঘাট জিলাদেৰগাঁৱত। তেওঁ ইতিহাস বিষয়ত ১৯৬১ চনত গুৱাহাটী বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰে। তেওঁ ১৯৫০ চনৰ পৰাই কবিতা লিখিবলৈ আৰম্ভ কৰে। ১৯৬৪ চনত তেওঁ গুৱাহাটীআৰ্য বিদ্যাপীঠ মহাবিদ্যালয়ত অধ্যাপক হিচাপে যোগদান কৰে। ১৯৯২ চনত অৱসৰ গ্ৰহণ কৰে।[4]

গ্ৰন্থপঞ্জী[5]সম্পাদনা কৰক

কবিতা
  • সূৰ্য হেনো নামি আহে এই নদীয়েদি, ১৯৬৩
  • নিৰ্জনতাৰ শব্দ, ১৯৬৫
  • আৰু কি নৈঃশব্দ্য্য, ১৯৬৮
  • জাপানী কবিতা, ১৯৭১
  • ফুলি থকা সূৰ্যমুখী ফুলটোৰ ফালে, ১৯৭৩
  • কাঁইট গোলাপ আৰু কাঁইট, ১৯৭৫
  • গোলাপী জামুৰ লগ্ন, ১৯৭৭
  • কবিতা, ১৯৮০ (সাহিত্য অকাডেমী বঁটা প্ৰাপ্ত )
  • গাৰ্থিয়া লৰ্কাৰ কবিতা, ১৯৮১
  • নৃত্যৰতা পৃথিৱী, ১৯৮৫
  • সাগৰতলিৰ শংখ (হীৰেন গোহাঁইৰ দ্বাৰা নিৰ্বাচিত কবিতাৰ সংগ্ৰহ), ১৯৯৪
  • চীনা কবিতা, ১৯৯৬
  • অলপ আগতে আমি কি কথা পাতি আছিলোঁ, ২০০৩
কবিতাৰ সম্পাদনা
  • কুৰি শতিকাৰ অসমীয়া কবিতা, ১৯৭৭
  • অৰণ্যৰ গান, ১৯৯৩
অন্যান্য
  • লোক কল্পদৃষ্টি (অসমীয়া কলা-স্থাপত্যৰ পৰিচয়), ১৯৮৭
  • ৰূপ বৰ্ণ বাক (কলা আৰু কলাকাৰৰ প্ৰবন্ধ), ১৯৮৮
  • শিল্পকলাৰ উপলব্ধি আৰু আনন্দ, ১৯৯৭
  • শিল্পকলাৰ দৰ্শন, ১৯৯৮
আত্মজীৱনী
  • পাতি সোণাৰুৰ ফুল
  • পাহৰিব নোৱাৰিলো যি, ২০১৮

তথ্যসূত্ৰসম্পাদনা কৰক

  1. "সাহিত্য অকাডেমি বঁটা বিজয়ী অসমীয়াসকলৰ তথ্য". সাহিত্য অকাডেমি. http://sahitya-akademi.gov.in/sahitya-akademi/showSearchAwardsResult.jsp?year=&author=&awards=AA&language=ASSAMESE। আহৰণ কৰা হৈছে: নৱেম্বৰ ১৬, ২০১২. 
  2. জানানে, শান্তনু কৌশিক বৰুৱা, ২০০৬
  3. "Damodar Mauzo, critic of ‘right-wing terror’ & Nilmani Phookan win Jnanpith award". https://thefederal.com/.+7 December 2021. https://thefederal.com/news/damodar-mauzo-critic-of-right-wing-terror-nilmani-phookan-win-jnanpith-award/। আহৰণ কৰা হৈছে: 7 December 2021. 
  4. [1] Poems by Nilmani Phookan, তথ্য সংগ্ৰহৰ সময়- ৩০ জানুৱাৰী ২০১২
  5. [2] Poems by Nilmani Phookan, তথ্য সংগ্ৰহৰ সময়- ৩০ জানুৱাৰী ২০১২

বাহ্যিক সংযোগসম্পাদনা কৰক

  • Exploring Life, poems by Nilmani Phookan [3] at Assam Tribune