সদস্য:Psneog/তেজপুৰখ
Psneog/তেজপুৰখ
তেজপুৰ | |
|---|---|
নগৰ | |
| উপনাম: ধ্ৰুপদী প্ৰেমৰ নগৰ | |
| জনসংখ্যা (2001) | |
• মুঠ |
1,05,377 |
তেজপুৰ শোণিতপুৰ জিলাৰ এখন প্ৰধান নগৰ৷ ই ব্ৰহ্মপুত্ৰ নদীৰ পাৰত, ১৮১ কিলোমিটাৰ গুৱাহাটীৰ পূবত অৱিস্থত৷ বৰ্তমান শোণিতপুৰ জিলাৰ প্ৰধান নগৰ তেজপুৰ ঐতিহাসিক সম্পদৰ কাৰণে ভাৰত বিখ্যাত৷ তেজপুৰ নামটোৰ ঐতিহাসিক কাহিনী এনেধৰণৰ৷ এসময়ত তেজপুৰত বা্ণ নামৰ এজন ৰজাই ৰাজত্ব কৰিছিল, তেওঁ আছিল অসুৰৰ ৰজা৷ বাণ ৰজাৰ জীয়ৰী উষাই সপোনত এজন কোঁৱৰক দেখা পায় আৰু তেওঁৰ প্ৰেমত পৰে৷ তেওঁ চিত্ৰলেখাৰ সহায়ত সেই কোঁৱৰজন ভগৱান শ্ৰীকৃষ্ণৰ নাতি অনিৰুদ্ধ বুলি গম পায় আৰু দুয়োৰে মাজত প্ৰেমৰ সম্পৰ্ক স্থাপিত হয়৷ বাণ ৰজাই সেই কথা গম পাই উষাক অগ্নিৰ দ্বাৰা আৱৰি থকা এটা ঘৰৰ মাজত বন্দী কৰি ৰাখে৷ সেই ঘৰটোকে অগ্নিগড়ৰ বোলে৷ কিন্তু অনিৰুদ্ধই উষাৰ সখীয়েক শিল্পী চিত্ৰলেখাৰ সহায়ত উষাক লাভ কৰে আৰু গন্ধৰ্ব প্ৰথাৰে বিবাহ কৰে৷ এই কথাত বা্ণ ৰজা আৰু শ্ৰীকৃষ্ণৰ মাজত যুদ্ধ আৰম্ভ হয়৷ এই যুদ্ধত হাজাৰ হাজাৰ যোদ্ধাৰ মৃত্যু হয় চাৰিওফালে তেজৰ নৈ-বৈ যায়৷ ইয়াৰ ফলতেই এই ঠাইৰ নাম তেজপুৰ (তেজৰ নগৰ) লাভ কৰে৷ বান ৰজা আছিল প্ৰধানত: শিৱ ভক্ত৷ গতিকে ভক্তক উদ্ধাৰ কৰিবলৈ অহা শেষত শিৱ(হৰ) আৰু কৃষ্ণ(হৰি)ৰ মাজত কীৰ্তনত বৰ্ণিত বিখ্যাত হৰি-হৰ যুদ্ধৰ সূত্ৰপাত হয়৷ জয়-পৰাজয় সুনিশ্চিত নোহোৱাত দুয়োপক্ষৰ সন্ধি হয় | বাণৰজায়েও নিজৰ ভুল উপলব্ধি কৰি ঊষাক অনিৰুদ্ধলৈ বিয়া দিয়ে |
কলা, সংস্কৃতি, সাহিত্য
সম্পাদনা কৰকতেজপুৰ কলা, সংস্কৃতি, সাহিত্য আৰু প্ৰাকৃতিক সম্পদৰ ফালৰ পৰা অতি মনমোহা নগৰ৷ ইয়াতেই অসমীয়া সাহিত্যৰ বহুকেইজন বিশিষ্ঠ ব্যক্তিৰ জন্ম হয়৷
- চন্দ্ৰ কুমাৰ আগৰৱালা,
- আনন্দ্ৰ চন্দ্ৰ আগৰৱালা,
- দন্দিৰাম কলিতা,
- কমলাকান্ত ভট্টাচাৰ্য্য আদি সাহিত্যিকৰ জন্ম হয়৷ এই তেজপুৰতেই ভাস্বত হৈছিল বিষ্ণু,জ্যোতি,ফনী শৰ্মাৰ দৰে চিৰস্মৰণীয় প্ৰতিভাৰ | অসমৰ প্ৰথমটো বাদ্যযন্ত্ৰীৰ দলে ১৯০৭ চনত তেজপুৰতে জন্মলাভ কৰে | অসমৰ প্ৰথমটো আধুনিক ৰংগ মঞ্চ বাণ থিয়েটাৰ ১৯০৭ চনত আৰু অসমৰ প্ৰথমখন সংগীত বিদ্যালয় জ্যোতিকলা কেন্দ্ৰ ১৯৪০ চনত ইয়াতেই স্থাপিত হয় | অসমৰ জাতীয় সংগীত "অ’ মোৰ আপোনাৰ দেশ" প্ৰথমবাৰৰ বাবে সুৰাৰোপিত কৰি তেজপুৰতে গোৱা হৈছিল |
"ৰূপকোঁৱৰ"জ্যোতিপ্ৰসাদ আগৰৱালাই তেজপুৰতেই প্ৰথম অসমীয়া চলচিত্ৰ 'জয়মতী'ৰ সকলো কাম সম্পাদনা কৰে৷ আনহাতে শোণিতপুৰ জিলাৰ অন্তৰ্গত 'গহপুৰ'আৰক্ষী চকিত ১৯৪২ চনত ব্ৰিটিছৰ বিৰুদ্ধে আন্দোলন কৰিবলৈ গৈ আৰক্ষী চকিৰ ওপৰত ত্ৰিৰংগ পতাকা উত্তোলন কৰি ১৪ বছৰীয়া কনকলতাৰ আৰক্ষীৰ গুলিত নিহত হয়৷
উল্লেখযোগ্য ঠাই
সম্পাদনা কৰকতেজপুৰ নগৰৰ উল্লেখযোগ্য ঠাই :
- চিত্ৰলেখা উদ্যান : ইয়াক ১৮০০ শতিকাত ব্ৰিটিছ ডেপুটি কমিচনাৰে প্ৰতিষ্ঠা কিৰিছল৷
- মহাভৈৰৱ মন্দিৰ : তেজপুৰৰ প্ৰধান বজাৰ চৌকি বজাৰৰ পৰা ১ কিঃমিঃ উত্তৰত অৱস্থিত প্ৰধান শিৱ মিন্দৰ৷
- অগ্নিগড় : বান ৰজাই নিজৰ জীয়েক উষাক বন্দী কৰি ৰাখিবৰ কাৰণে ইয়াক নিৰ্মাণ কৰিছিল ৷ ইয়াৰ চাৰিওফালে জুই জলাই ৰখা হৈছিল বাবে ইয়াৰ নাম অগ্নিগড় ৷ ই অসমীয়া প্ৰেমৰ এটা উত্কৃষ্ট নিদৰ্শন ৷
- দ-পৰ্বতীয়াৰ শৈল দ্বাৰ : তেজপুৰ নগৰৰ পৰা ৬ কিঃমিঃ দক্ষিণত ই অৱস্থিত ৷ ই পুৰণি অসমৰ স্থাপত্য আৰু ভাস্কৰ্য্যৰ নিদৰ্শন বহন কৰিছে৷
- ভৈৰৱী মন্দিৰ আৰু বামুণী পাহাৰ : কলাত্মক সৌন্দৰ্য্যৰ কাৰণে ই বিখ্যাত ৷ ইয়াক নৱম দশম শতিকাৰ সময়ত নিৰ্মান কৰা হৈছিল ৷
- হজৰা পুখুৰী : ই প্ৰায় ৭০ একৰ মাটি আৱৰি থকা তৃতীয় বৃহত্তম জল সংৰক্ষিত এলেকা ৷
- কেতেকেশ্বৰ : তেজপুৰৰপৰা প্ৰায় ২ কি:মি: উত্তৰে অৱস্থিত পৃথিৱীৰ বৃহত্তম শিৱ লিংগ বুলি ঠাৱৰ কৰা হৈছে |
- নামেৰী ৰাষ্ট্ৰীয় উদ্যান : তেজপুৰৰ পৰা ৪৫ কি:মি: উত্তৰে অৱস্থিত |
- বাণষ্টেজ
শৈক্ষিক প্ৰতিষ্ঠান :