১৫ জুলাই

১৫ জুলাই (ইংৰাজী: 15 July) হৈছে গ্ৰেগৰিয়ান বৰ্ষপঞ্জীৰ ১৯৬তম (অধিবৰ্ষত ১৯৭তম) দিন। বছৰটো শেষ হ’বলৈ এই দিনৰ পৰা মুঠ ১৬৯টা দিন বাকী থাকে।

উল্লেখযোগ্য ঘটনাৱলী

• ১৮১৫ - ৱাটাৰ্লুপ যুদ্ধত পৰাজয়ৰ পিছত নেপোলিয়ন বোনাপাৰ্টএ বিখ্যাত নেপোলিয়ন যুদ্ধত বেলেৰফনৰ ওচৰত আত্মসমৰ্পণ কৰে।
• ১৯৫৫ - ভাৰতৰ প্ৰথম প্ৰধান মন্ত্ৰী পণ্ডিত জৱাহৰলাল নেহৰুলৈ ভাৰতৰত্ন সন্মান ঘোষণা কৰা হয়।
• ১৯৬৫ - মানৱহীন মহাকাশযান মেৰিণাৰ—৪ য়ে মঙ্গলগ্ৰহৰ ১২,০০০ কিঃমিঃ কাষেৰে ভ্ৰমণ কৰিছিল।
• ১৯৭৫ - আমেৰিকা আৰু ছোভিয়েট ৰাছিয়াৰ যুগ্ম মহাকাশ অভিযান এপল-ছয়ুজে বিস্ময়কৰ, অভুতপূৰ্ব সাফল্য লাভ কৰে।
• ১৯৭৫ - ভাৰতীয় সময় মতে আবেলি ৫ বাজি ৩০ মিনিটত বৈকানুৰৰ মহাকাশ উৎক্ষেপণ কেন্দ্ৰৰ পৰা ছয়ুজ— ১৯ যানখন উৎক্ষেপণ কৰা হয়।
• ১৯৭৯ - মোৰাৰজী দেশাইয়ে ভাৰতৰ প্ৰধানমন্ত্ৰী পদৰ পৰা পদত্যাগ কৰিছিল।
• ১৯৯৭ - পৰিৱেশবিদ মহেশ চন্দ্ৰ মেহতালৈ ৰমণ মেগছেছে বঁটা ঘোষণা কৰা হয়।
• ২০০১ - পাকিস্তান আৰু ভাৰতৰ ঐতিহাসিক আগ্ৰা শীৰ্ষ বৈঠক আৰম্ভ হয়।
• ২০০৬ - বিশ্বৰ চ'ছিয়েল নেটৱৰ্কিং খণ্ডত টুইটাৰ যোগ হয়।
• ২০১০ - ভাৰতীয় টকাৰ প্ৰতীক (₹) ভাৰত চৰকাৰে প্ৰকাশ কৰে।

জন্ম

• ১৬০৬ - ৰে'ম্ব্ৰেণ্ট, ডাচ্চ চিত্ৰকৰ আৰু নক্সাকাৰ।
• ১৬১১ - মহাৰজা জয় সিংহ প্ৰথম, মোগলৰ সেনাপতি (মিৰ্জা ৰজা) আৰু অম্বৰৰ (জয়পুৰ) ৰজা আছিল।
• ১৭৮৩ - ছাৰ জামছেটজী জিজিভয়, মহান ভাৰতীয় বণিক, উদ্য়োগপতি আৰু সমাজসেৱক, বোম্বাইত (মুম্বাই) জন্মগ্ৰহণ কৰিছিল।
• ১৯০৩ - কুমাৰ স্বামী কামৰাজ নাদাৰ, ভাৰতীয় ৰাজনীতিবিদ, স্বাধীনতা সংগ্ৰামী তথা জাতীয় কংগ্ৰেছৰ সভাপতি।
• ১৯০৯ - দুৰ্গাবাঈ দেশমুখ, ভাৰতীয় স্বাধীনতা সংগ্ৰামী, অধিবক্তা, সমাজকৰ্মী আৰু ৰাজনীতিবিদ।
• ১৯৩৩ - এম টি বাসুদেৱন নায়াৰ, ভাৰতীয় সাহিত্যিক।
• ১৯৮৬ - চৰদাৰা সিং, ভাৰতীয় পেছাদাৰী ফিল্ড হকী খেলুৱৈ।

মৃত্যু

• ১৯১৯ - হেৰমন ইমিল ফিচাৰ, নোবেল বিজয়ী জাৰ্মান ৰসায়নবিদ। হেৰমানে ১৯০২ চনত ৰসায়ন বিজ্ঞানৰ নোবেল বঁটা লাভ কৰিছিল।
• ১৯৭৭ - ৰাধা গোবিন্দ বৰুৱা, 'দ্য আছাম ট্ৰিবিউন' বাতৰি কাকত গোষ্ঠীৰ জন্মদাতা, 'দৈনিক অসম' আৰু সাপ্তাহিক 'অসম বাণী' প্ৰতিষ্ঠাতা, এগৰাকী ক্ৰীড়া সংগঠক।
• ২০০৪ - বানু জাহাংগীৰ কয়াজী, ভাৰতীয় চিকিৎসক।
• ২০১৯ - পূৰবী বৰমুদৈ, অসমীয়া ঔপন্যাসিক।

দিৱস

• বিশ্ব যুৱ দক্ষতা দিৱস।

বাহ্যিক সংযোগ

• বিবিচি: এই দিনত

---