৮ জুন

৮ জুন (ইংৰাজী: 8 June) হৈছে গ্ৰেগৰিয়ান বৰ্ষপঞ্জীৰ ১৫৯তম (অধিবৰ্ষত ১৬০তম) দিন। বছৰটো শেষ হ’বলৈ এই দিনৰ পৰা মুঠ ২০৬টা দিন বাকী থাকে।

ঘটনাৱলী

• ১৯৩৬ - ইণ্ডিয়ান ব্ৰডকাষ্টিং ছাৰ্ভিচৰ নাম সলনি কৰি অল ইণ্ডিয়া ৰেডিঅ’ কৰা হয়।
• ১৯৪৮ - ভাৰত আৰু ইংলেণ্ড যুক্তৰাষ্ট্ৰৰ মাজত আন্তঃৰাষ্ট্ৰীয় বিমান সেৱা মুকলি হয়। এয়াই আছিল ভাৰতৰ প্ৰথম আন্তৰাষ্ট্ৰীয় বিমান সেৱা। উল্লেখযোগ্য যে, আৰম্ভণিত এই বিমান কাইৰো আৰু জেনেভা হৈ সপ্তাহত এদিনৰ বাবে চলিছিল।
• ১৯৫৭ - দেৱকান্ত বৰুৱাদেৱে অসম বিধানসভাৰ অধ্যক্ষৰ দায়িত্ব গ্ৰহণ কৰিছিল।
• ১৯৭৫ - ৰুছ মহাকাশযান ‘‘ভেনেৰা—৯’’ই শুক্ৰ গ্ৰহ অভিমুখে ঢাপলি মেলিছিল।
• ১৯৯০ - দক্ষিণ আফ্ৰিকাত চাৰিবছৰ ধৰি চলা জৰুৰী অৱস্থাৰ আংশিকভাৱে প্ৰত্যাহাৰ কৰা হৈছিল।

জন্ম

• ১৯১৫ - সোণাৰাম চুতীয়া, শিক্ষক, নিষ্ঠাবান সমাজ-সংস্কাৰক আৰু স্বাধীনতা যুঁজাৰু, বৈষ্ণৱ পণ্ডিত, দলিত দৰদী।
• ১৯৫৫ - টিম বাৰ্নাৰ্ছ লী, ৱৰ্ল্ড ৱাইড ৱেব (www)ৰ উদ্ভাৱক তথা কম্পিউটাৰ বিজ্ঞানী।
• ১৯৫৭ - ডিম্পল কপাড়িয়া, ভাৰতীয় চলচ্চিত্ৰ অভিনেত্ৰী।
• ১৯৭৫ - শিল্পা শেট্টী, বলিউডৰ অভিনেত্ৰী।
• ১৯৮১ - আতিশী সিং, ভাৰতীয় শিক্ষাবিদ, ৰাজনীতিক।

মৃত্যু

• ৬৩২ - মুহাম্মাদ, ইছলাম ধৰ্মৰ সৰ্ৱশেষ নবী।
• ১৯৬৯ - ৰবাৰ্ট টেইলৰ, আমেৰিকান অভিনেতা।
• ২০১০ - গৌৰীশংকৰ কলিতা, ছেণ্টিনেল, দি নৰ্থ-ইষ্ট টাইমছ, জনসাধাৰণ, এন ই টিভিলৈকে ছপা আৰু বৈদ্যুতিক উভয় মাধ্যমত সাংবাদিকতাৰ গুৰু দায়িত্ব পালন কৰিছিল।
• ২০১৯ - কিৰণ কুমাৰ গগৈ, ভাৰতীয় ৰাজনীতিক।
• ২০২০ - পদ্ম কৈৰী, ভাৰতীয় চলচ্চিত্ৰ নিৰ্মাতা, ৰাজনৈতিক নেতা, সমাজকৰ্মী, অভিনেতা তথা কণ্ঠশিল্পী।

দিৱস

• বিশ্ব মহাসাগৰ দিৱস
• অভিযন্তা দিৱস (পেৰু)