১৫ জুন

১৫ জুন (ইংৰাজী: 15 June) হৈছে গ্ৰেগৰিয়ান বৰ্ষপঞ্জীৰ ১৬৬তম (অধিবৰ্ষত ১৬৭তম) দিন। বছৰটো শেষ হ’বলৈ এই দিনৰ পৰা মুঠ ১৯৯টা দিন বাকী থাকে। বুৰঞ্জীৰ পাতত আজিৰ দিনটোৰ কেইটামান উল্লেখযোগ্য ঘটনা হ’ল -

ঘটনাৱলী

• ১২১৫ - ইংলেণ্ডৰ ৰজা জনৰ ঐতিহাসিক মেগ্নাকাৰ্টা চনদত সন্মতি দান কৰে। এই চনদৰ জৰিয়তে ইংলেণ্ডত ৰজাৰ শাসত আইনৰ শাসন স্বীকৃত হয়।
• ১৬৫৯ - ঔৰংগজেৱৰ আনুষ্ঠানিকভাৱে আগ্ৰাৰ সিংহাসনত আৰোহণ কৰে ১৬৫৯ চনৰ আজিৰ দিনটোত।
• ১৭৫২ - বজ্ৰপাত যে প্ৰকৃততে বিদ্যুৎ শক্তি সেই কথা বেঞ্জামিন ফ্ৰেংকলিন -এ প্ৰমাণ কৰিছিল আজিৰ দিনটোতে।
• ১৮৫৫ - কলকাতাৰ প্ৰসিদ্ধ হিন্দু কলেজৰ নাম প্ৰেছিডেন্সী কলেজ হয়।
• ১৯৪৩- কুশল কোঁৱৰক যোৰহাট কেন্দ্ৰীয় কাৰাগাৰত ফাঁচী দিয়া হৈছিল। ১৯৪২ চনৰ ৯ অক্টোবৰত সংঘটিত সৰুপথাৰৰ ৰেল দুৰ্ঘটনাৰ প্ৰথম গৰাকী অভিযুক্ত হিচাপে অভিহিত কৰি মৃত্যুদণ্ডৰ হুকুম বিহা হৈছিল।

জন্ম

• ১৮৯৯ - দেৱীপ্ৰসাদ ৰায়চৌধুৰী, ভাৰতীয় ভাস্কৰ,চিত্ৰশিল্পী আৰু ললিত কলা একাডেমীৰ প্ৰতিষ্ঠাপক সভাপতি। (মৃঃ ১৫/১০/১৯৭৫)
• ১৯০২ - ৰূপনাথ ব্ৰহ্ম, অসমীয়া কবি, ৰাজনীতিবিদ।
• ১৯১৬ - হাৰ্বাৰ্ট এলেকজেণ্ডাৰ ছাইমন, মাৰ্কিন সমাজ বিজ্ঞানী তথা অৰ্থনীতিবিদ। ছাইমনে ১৯৭৮ চনত অৰ্থনীতিৰ নোবেল বঁটা লাভ কৰিছিল।
• ১৯২৯ - সুৰাইয়া, ভাৰতীয় অভিনেত্ৰী আৰু গায়িকা।
• ১৯৩২ - লক্ষ্মীনন্দন বৰা, অসমীয়া গল্পকাৰ, ঔপন্যাসিক আৰু শিক্ষাবিদ।
• ১৯৪০ - আন্না হাজাৰে, ভাৰতীয় সমাজ সংস্কাৰক।
• ১৯৫০ - ৰবীন বৰুৱা, অসমীয়া কাৰ্টুনিষ্ট আৰু চিত্ৰশিল্পী।
• ১৯৫৩ - ছি জিনপিং, গণপ্ৰজাতন্ত্ৰী চীনৰ ৰাষ্ট্ৰপতি।
• ১৯৯৫ - মণিকা বাত্ৰা, ভাৰতীয় টেবুল টেনিছ খেলুৱৈ।

মৃত্যু

• ১৮৪৯ - জেমছ্ নক্স প'ল্ক, একাদশ মাৰ্কিন ৰাষ্ট্ৰপতি (১৮৪৫-১৮৪৯), নেছভিল টেনত ৫৩ বছৰ বয়সত মৃত্য়ু হৈছিল।
• ১৯৪৩ - শ্বহীদ কুশল কোঁৱৰ, গোলাঘাটৰ স্বাধীনতা সংগ্ৰামী আৰু গোলাঘাট জিলা কংগ্ৰেছৰ সম্পাদক, ভাৰতৰ স্বাধীনতা আন্দোলনত জঁপিয়াই পৰি ফাঁচিকাঠ বৰণ কৰা অসমৰ শেষৰজন শ্বহীদ।

দিৱস

• শ্বহীদ কুশল কোঁৱৰৰ স্মৃতি দিৱস (অসম)
• অভিযন্তা দিৱস (ইটালী)
• গোলকীয় বতাহ দিৱস

বাহ্যিক সংযোগ

• বিবিচি: এই দিনত

---