১৬ ছেপ্টেম্বৰ

১৬ ছেপ্টেম্বৰ (ইংৰাজী: 16 September) হৈছে গ্ৰেগৰিয়ান বৰ্ষপঞ্জীৰ ২৫৯তম (অধিবৰ্ষত ২৬০তম) দিন। বছৰটো শেষ হ’বলৈ এই দিনৰ পৰা মুঠ ১০৬টা দিন বাকী থাকে।

ঘটনাৱলী

• ১৬১৬ - ব্ৰিটিছ ৰাষ্ট্ৰদূত টমাছ ৰো ভাৰতৰ চুৰাটত উপস্থিত হৈছিল। ইংলেণ্ডৰ ৰজা জেমছৰ দূত হিচাপে মোগল সম্ৰাট জাহাংগীৰৰ ৰাজত্ব কালত তেওঁ ভাৰতত কাৰ্যনিৰ্বাহ কৰে।
• ১৮২১ - মেক্সিক'ৱে স্বাধীনতা লাভ কৰে।
• ১৯৪০ - আমেৰিকাত ২১-৩৫ বছৰীয়া পুৰুষসকলক সৈন্য-বাহিনীত যোগদান কৰাটো বাধ্যতামূলক কৰা হয়।
• ১৯৫৩ - বিশ্বৰ প্ৰথমখন চিনেমা স্কোপ ছবি দা ৰোব আমেৰিকাৰ ৰক্সি থিয়েটাৰত প্ৰদৰ্শিত হয়।
• ১৯৭৫ - পাপুৱা-নিউগিনিয়ে স্বাধীনতা লাভ কৰে।
• ১৯৭৮ - ইৰাণৰ টাবাছত (Tabas earthquake) ৭.৭ প্ৰাবল্যৰ ভূমিকম্প হৈছিল। প্ৰায় ২৫০০০ লোকৰ মৃত্যু হৈছিল।

জন্ম

• ১৮৫৮ - ব'নাৰ ল' (Bonar Law), ব্ৰিটিছ প্ৰধানমন্ত্ৰী।
• ১৮৫৯ - ইউৱান শ্বিকাই (Yuan Shikai), টাইৱান বা ৰিপাব্লিক অৱ চাইনাৰ ৰাষ্ট্ৰপতি আছিল।
• ১৯২৩ - লি কুৱান ইঅ' (Lee Kuan Yew), চিংগাপুৰৰ প্ৰথম প্ৰধান মন্ত্ৰী, আধুনিক চিংগাপুৰৰ প্ৰতিষ্ঠাপক পিতৃ পুৰুষ।
• ১৯৩১ - ই চি জৰ্জ সুদৰ্শন, ভাৰতীয়-আমেৰিকান তাত্ত্বিক পদাৰ্থ বিজ্ঞানী আৰু টেক্সাছ বিশ্ববিদ্যালয়ৰ অধ্যাপক।
• ১৯৪৫ - পি চিদাম্বৰম, ভাৰতীয় ৰাজনীতিবিদ আৰু প্ৰাক্তন এটৰ্ণী।

মৃত্যু

• ১৭৩৬ - গেব্ৰিয়েল ডেনিয়েল ফাৰেনহাইট, জাৰ্মান পদাৰ্থ-বিজ্ঞানী, ফাৰেনহাইট স্কেল আৰু থাৰম'মিটাৰৰ আৱিষ্কাৰক।
• ১৮২৪ - লুই অষ্টাদশ (Louis XVIII), ফ্ৰান্সৰ ৰজা আছিল।
• ১৯৩২ - ৰোনাল্ড ৰছ, মেলেৰিয়া ৰোগৰ বীজাণু আৱিষ্কাৰ কৰা ভাৰতজাত ন'বেল জয়ী চিকিৎসা-বিজ্ঞানী।
• ১৯৫৭ - ষী বাইশ্বী বা কী বাইশ্বী (Qi Baishi), চীনা চিত্ৰশিল্পী।
• ১৯৭৭ - কেশৰবাই কেৰকাৰ, হিন্দুস্থানী শাস্ত্ৰীয় সঙ্গীত কণ্ঠশিল্পী।
• ২০০৫ - গৰ্ডন গ'ল্ড (Gordon Gould), আমেৰিকান পদাৰ্থ বিজ্ঞানী, লেজাৰ আৱিষ্কাৰ কৰোঁতা।
• ২০২০ - কপিলা বাৎসায়ন, ভাৰতীয় নৃত্য শিল্পী, অধ্যাপিকা আৰু সাহিত্যিক।

দিৱস

• মেক্সিকোৰ স্বাধীনতা দিৱস।
• পাপুৱা-নিউগিনিৰ স্বাধীনতা দিৱস।
• বিশ্ব অ’জ’ন দিৱস।

বাহ্যিক সংযোগ

• বিবিচি: এই দিনটোত ঘটা কেইটামান উল্লেখযোগ্য ঘটনা

---